सबस्क्राईब करा
Dadasaheb Phalke Awards 2024 : बॉलीवूड फिल्म इंडस्ट्रीमध्ये मानाचा समजला जाणारा दादासाहेब फाळके पुरस्कार वितरण सोहळा नुकताच पार पडला असून त्यामध्ये वेगवेगळ्या सेलिब्रेटींना गौरविण्यात आले आहे. यंदाच्या पुरस्कार सोहळ्यात सर्वाधिक चर्चा रंगली ती किंग खान शाहरुख (Dadasaheb Phalke Awards 2024 News) अन् बॉबी देओलची. सोशल मीडियावर बॉबीवर नेटकऱ्यांनी कौतुकाचा वर्षाव सुरु केला आहे.
ॲनिमल या संदीप रेड्डी वांगाच्या चित्रपटामध्ये बॉबी देओलनं (Animal Bobby Deol News) साकारलेल्या नकारात्मक भूमिकेबद्दल त्याला दादासाहेब फाळके पुरस्कारानं गौरविण्यात आले आहे. हा पुरस्कार स्विकारल्यानंतर बॉबी हा भावूक झाल्याचे दिसून आले आहे. तब्बल दीड दशकानंतर बॉबीनं बॉलीवूडमध्ये केलेलं पुनरागमन हे त्याच्या करिअरसाठी चांगलेच लाभदायी ठरताना दिसत आहे.
बॉबीनं प्रकाश झा यांच्या आश्रम नावाच्या मालिकेमध्ये निराला बाबाची (Bobby Deol Latest news) भूमिका साकारुन प्रेक्षकांची पसंती मिळवली होती. आता या मालिकेचा चौथा सीझन प्रेक्षकांच्या भेटीला येणार आहे. अशातच त्याचा प्रदर्शित झालेला ॲनिमल नावाचा चित्रपट प्रचंड लोकप्रिय झाला. त्यात त्यानं साकारलेली अबरारची भूमिका देखील चाहते, समीक्षक यांच्या कौतुकाचा विषय होती.
प्रसिद्ध अभिनेता रणबीरच्या तुलनेत भलेही बॉबीला स्क्रिन टाईम कमी (Animal Lord Bobby) मिळाला असेल मात्र त्यानं रणबीरला टस्सल देत आपल्या भूमिकेची वेगळी छाप उमटविल्याचे दिसून आले आहे. त्यामुळे तो प्रचंड हिट झाला. त्याच्या नावाची वेगळी चर्चा सोशल मीडियावर सुरु झाली. बॉबीचा फॅनबेस मोठा आहे. अशावेळी त्याच्या फॅननं त्याची स्तुती करत त्याच्या आगामी प्रवासाला शुभेच्छा दिल्या आहेत.
अशातच आगामी काळात बॉबी देओल हा ॲनिमलच्या सिक्वेलमध्ये देखील दिसणार असल्याची चर्चा आहे. तसेच आश्रमच्या ४ थ्या सीझनमध्येही त्याचा वेगळा परफॉर्मन्स चाहत्यांना पाहायला मिळणार आहे. दरम्यान बॉबीला मिळालेला दादासाहेब फाळके पुरस्कार त्याच्या मेहनतीला मिळालेली मोठी पोचपावती असल्याचं चाहत्यांचे, नेटकऱ्यांचे म्हणणे आहे.
मुंबईत झालेल्या दादासाहेब फाळके पुरस्कार सोहळ्यात वेगवेगळ्या टीव्ही सेलिब्रेटींना गौरविण्यात आले आहे. त्याची चर्चा सोशल मीडियावर होताना दिसत आहे. याप्रसंगी शाहरुख खान, बॉबी देओल, नयनतारा, करिना कपूर खान, सुनील ग्रोव्हर, आदित्य रॉय कपूर, अनिल कपूर, शाहिद कपूर, विक्रांत मेस्सी यांना पुरस्कार प्रदान करण्यात आला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.