David Beckham Welcome : जगप्रसिद्ध फुटबॉलपटू 'डेव्हिड बेकहॅम' साठी सोनम कपूरकडून खास पार्टीचं आयोजन!

Sonam Kapoor And Anand Ahuja Host A Welcome Party : जगातील प्रभावशाली फुटबॉलपटूंमध्ये डेव्हिड बेकहॅमचे नाव हे नेहमीच घेतले जाते. बेकहॅमच्या चाहत्यांची संख्या मोठी आहे. जगभर त्याचे चाहते आहेत. सोशल मीडियावर देखील बेकहॅम हा अॅक्टिव्ह असल्याचे दिसून आले आहे. पहिल्यांदाच भारतात आलेल्या बेकहॅमसाठी बॉलीवूडमधील प्रसिद्ध अभिनेत्री सोनम कपूरनं खास पार्टीचे आयोजन केले होते.

मुंबईतील वानखेडे स्टेडियमवर भारत विरुद्ध न्युझीलंडचा सेमीफायनलचा सामना पार पडला. हा सामना पाहण्यासाठी डेव्हिड बेकहॅमनं हजेरी लावली होती. त्याचे फोटोही सोशल मीडियावर व्हायरल झाले होते. यावेळी मास्टर ब्लास्टर सचिन तेंडुलकरनं बेकहॅमचे स्वागत करुन त्याच्याशी संवाद साधला होता. आपण भारतात पहिल्यांदाच आलो असून यापूर्वी कित्येकदा येण्याचा विचार केला होता, मात्र ते काही शक्य झाले नाही. भारतात झालेल्या स्वागतानं आपण भारावून गेलो. अशी प्रतिक्रिया याप्रसंगी बेकहॅमनं दिली होती.

Mahua Moitra : महुआ मोइत्रा यांच्यावरील कारवाई आणि वादांची मालिका

यानंतर बॉलीवूडची प्रसिद्ध अभिनेत्री आणि प्रख्यात अभिनेते अनिल कपूर यांची लेक सोनम कपूरनं डेव्हिडसाठी खास पार्टीचे आयोजन केले होते. यावेळी बॉलीवूडमधील अनेक सेलिब्रेटी हजर होते. ते फोटो आता सोशल मीडियावर व्हायरल झाले असून त्यावर आलेल्या कमेंट्स भन्नाट आहेत. सोनम कपूर आणि तिचे पती आनंद अहुजा यांनी या वेलकम पार्टीचे आयोजन केले होते.

डेव्हिड हा तीन दिवसांच्या भारत भेटीवर आला असून यावेळी तो वेगवेगळ्या मान्यवरांना भेटणार असल्याची माहिती आहे. वानखेडे स्टेडियमवर बॉलीवूडमधील कियारा अडवाणी, सिद्धार्थ मल्होत्रा, व्यंकटेश डग्गुबाती या सेलिब्रेटींनी डेव्हिडची भेट घेत त्याच्यासोबत फोटोही काढले होते. सोशल मीडियावर व्हायरल झालेल्या त्या फोटोंनी नेटकऱ्यांचे लक्ष वेधून घेतले आहे.

सोनम कपूर आणि आनंद अहुजा यांच्याकडून ज्या पार्टीचे आयोजन करण्यात आले होते त्यात शाहिद कपूर, त्याची पत्नी मीरा रजपूत, अनिल कपूर, फरहान अख्तर, शिबानी दांडेकर हे सेलिब्रेटी सहभागी झाल्याचे दिसून आले. या सगळ्यात कियारा आणि सिद्धार्थ अडवाणीचा डेव्हिडसोबतचा तो फोटो सोशल मीडियावर व्हायरल झाल्यानंतर वेगवेगळ्या चर्चांना उधाण आले होते.