Pathaan Movie: पोरं थंडीत गारठली पण मागे नाही हटली.. मॉर्निंग शो ला आलेल्या प्रेक्षकांचं दीपिकाला कौतुक

शाहरुख खान, दीपिका पदुकोण आणि जॉन अब्राहम यांचा मोस्ट अवेटेड चित्रपट 'पठाण' आज म्हणजेच 25 जानेवारी रोजी रिलीज झाला आहे. गेल्या महिन्यापासून पठाण चित्रपटाची चर्चा मोठ्या प्रमाणात होत होती.‌ अनेक वाद विवादा नंतर पठाण चित्रपट आज प्रदर्शित झाला. चित्रपटातील अभिनेत्री दीपिका पदुकोणने देखील थेटर बाहेरची प्रेक्षकांची गर्दीचा नजारा दाखवला आहे. हि गर्दी पाहून दीपिका खुश झाली आहे.

शाहरुख खान आणि दीपिका पदुकोणच्या जोडीला प्रेक्षकांची पसंती पहिल्या पासून आहे. चेन्नई एक्स्प्रेस , हॅप्पी न्यू इयर नंतर आता परत ही जोडी पठाण चित्रपटात दिसली आहे. पठाण चित्रपटाला घेऊन झालेले वाद अजून थांबले नाही तरीही चित्रपट रिलीज झाला आहे. शाहरुख खान आणि दीपिका पदुकोणच्या चाहत्यांनी तिकीट बुकिंग केले होते तर दीपिका पदुकोण देखील चित्रपटाला घेऊन उत्सुक असणारच तिने स्वतः इंस्टाग्रामवर स्टोरीवर‌ थेटर बाहेरची प्रेक्षकांची गर्दीचा व्हिडिओ शेअर केला आहे.

लोअर परळ येथे सकाळी ७ वाजल्यापासून थेटर बाहेर प्रेक्षकांनी चित्रपट पाहण्यासाठी गर्दी केली होती. सध्या मुंबईत जबरदस्त थंडी आहे तरीही इतक्या थंडीत सकाळपासून थेटर बाहेर प्रेक्षकांनी प्रचंड गर्दी केली आहे. दीपिका पदुकोणने आपल्या इन्स्टाग्राम स्टोरीवर शेअर केला आहे.

पठाण चित्रपट आज प्रदर्शित झाला आहे. तसेच पठाण या चित्रपटाने अ‍ॅडव्हान्स बुकींमध्येच दमदार कमाई केली आहे. अनेक ठिकाणी पठाणचे हाऊसफुल्ल शोज सुरु आहेत. पहिल्याच दिवशी पठाण ने प्रेक्षकांची हाऊसफुल्ल गर्दी मिळवली आहे.

शाहरुखचा पठाण रिलीजच्या पहिल्याच दिवशी पाहावा यावा यासाठी ८ लाखांपेक्षा जास्त तिकिटे बुक करण्यात आली आहेत. तसेच याबाबतीत पठाणने बाहुबली २ या चित्रपटाचा रेकॉर्ड मोडला आहे. तसेच बाहुबली २’ची ६ लाख ५० हजार तिकिटे बुक करण्यात आली होती.

या तुलनेत ‘पठाण’ हा चित्रपट पुढे आहे.पठाण सिनेमात शाहरुख खान, दीपिका पदुकोण आणि जॉन अब्राहम मुख्य भूमिकेत असणार आहेत. याशिवाय डिंपल कपाडिया, आशुतोष राणा आणि गौतम रोडे देखील आहेत. पठाण मध्ये सलमान खान एका छोट्या भूमिकेत दिसणार आहे. सिनेमा २५ जानेवारीला रिलीज झाला आहे.