Dhanush announces new Hindi film Tere Ishq Mein: लोकप्रिय आणि प्रसिद्ध चित्रपट निर्माते आनंद एल राय हे प्रेक्षकांना नेहमीच वेगळ्या थाटणीचे सिनेमे देत असतात. त्याच्या चित्रपटाच्या कथाही अनोख्या त्यांमुळे त्या प्रेक्षकांना आकर्षित करतात.
आनंद एल राय यांच्या दिग्दर्शनातील सर्वात लोकप्रिय चित्रपट " रांझणा " ला आज तब्बल 10 वर्ष झाली असून आजही हा चित्रपट प्रेक्षकांच्या मनात कायम आहे.
या सुपरहिट चित्रपटाची 10 वर्ष पूर्ण करत असताना आनंद एल राय त्यांच्या पुढच्या प्रोजेक्ट ची घोषणा केली आहे. आता ते "तेरे इश्क में" हा नवाकोरा चित्रपट प्रेक्षकांच्या भेटीला घेऊन येणार आहेत.
सर्वात महत्वाच म्हणजे या चित्रपटातही त्याच्यासोबत साउथस्टार अभिनेता धनुष मुख्य भुमिका साकारणार आहे. आनंद एल राय आणि धनुष ही जोडी पुन्हा एकत्र येऊन काम करणार आहे आणि यातून नक्कीच काहीतरी अफलातून कलाकृती घडणार आहे यात शंका नाही.
या चित्रपटाच्या धमाकेदार घोषणनेनंतर दिग्दर्शक आनंद एल राय म्हणतात की, 'धनुषसोबत 'तेरे इश्क में' या आमच्या पुढच्या चित्रपटाची घोषणा करण्यासाठी आज सारखा खास दिवस साकारला आहे हा एक अनोखा योगायोग आहे. 'रांझणा' हा एक चित्रपट नसून ती एक भावना आहे. माझ्या हृदयात या चित्रपटासाठी विशेष प्रेम आहे. जगभरातील चाहत्यांकडून या चित्रपटा साठी मिळणार प्रेम नक्कीच हृदयस्पर्शी आहे."
धनुषने रांझणा द्वारे बॉलीवूडमध्ये पदार्पण केलं आणि तो आजच्या काळातील सर्वात मोठा स्टार आहे. त्याच्या अफाट प्रतिभेने त्याला दक्षिण भारतीय आणि हिंदी चित्रपट उद्योगांमध्ये मोठा चाहतावर्ग मिळवून दिला आहे. हिंदी आणि दक्षिण भारतीय चित्रपट उद्योगात धनुषची कलाकार म्हणून असलेली क्षमता ओळखण्यात आनंद एल राय यशस्वी ठरले.
आनंद एल राय यांनी निर्माता-दिग्दर्शक म्हणून उल्लेखनीय फिल्मोग्राफी केली आहे ज्यात "तनु वेड्स मनू," "अतरंगी रे," "गुडलक जेरी," "अ‍ॅक्शन हिरो," "हॅपी भाग जायगी, यांसारख्या अविस्मरणीय चित्रपटाचा समावेश आहे.
""न्यूटन," "तुम्बाड," अश्या असंख्य चित्रपटात त्यांनी आपल्या दिग्दर्शनाची जादू दाखवून दिली आहे. धनुष आणि आनंद एल राय या डायनॅमिक जोडीने लेखक हिमांशू शर्मा, गीतकार इर्शाद कामिल आणि संगीतकार ए.आर. रहमान यांच्यासमवेत 2013 मध्ये "रांझणा " चित्रपटाद्वारे रुपेरी पडद्यावर जादू निर्माण केली आणि तब्बल 10 वर्षांनी आजही हा चित्रपट एव्हरग्रीन ठरतोय.
तब्बल 10 वर्षांनी पुन्हा ' तेरे इश्क में' या नवी चित्रपटातून पुन्हा एक जादुई अनुभव अनुभवयाला मिळणार यात शंका नाही.
सह जादूचा अनुभव पुन्हा तयार करण्यासाठी सज्ज आहे. कलर यलो प्रॉडक्शनकडे " तेरे इश्क में ", "झिम्मा 2" आणि "फिर आयी हसीन दिलरुबा" असे अनेक कमालीचे चित्रपट आहेत. येणाऱ्या वर्षात कलर यलो प्रोडक्शन कडून उत्तम चित्रपटाची मेजवानी मिळणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
