Dhishkyaoon Controversy: मराठी मनोरंजन विश्वाचा सध्या एकापेक्षा एक धडाकेबाज चित्रपट येत आहे. 'वेड' ,'वाळवी' त्याचबरोबर 'ढिशक्यांव' हा चित्रपट देखील चर्चेत आहे. 'ढिशक्यांव' या चित्रपटाचे दिग्दर्शन प्रितम एस के पाटील यांनी तर अहेमद देशमुख , उमेश विठ्ठल मोहळकर आणि प्रितम एस के पाटील हे या चित्रपटाचे निर्मिते आहेत.
'ढिशक्यांव' चित्रपटांच्या गाण्याला प्रेक्षकांनी डोक्यावर घेतले आहे. चित्रपटातील गाणी सोशल मीडियावर चांगलीच व्हायरल होत आहेत. १० फेब्रुवारीला हा सिनेमा संपूर्ण महाराष्ट्रात प्रदर्शित झाला. चित्रपट प्रदर्शित झाल्यानंतर यास प्रेक्षकांची समिंश्र प्रतिक्रिया दिल्या आहेत.हा चित्रपट अडल्ट असल्याचं काहींनी या चित्रपटाला ट्रोलही केलं आहे.
याबद्दल चित्रपटाचा निर्माता आणि मुख्य अभिनेता अहेमद देशमुख याला प्रश्न विचारला गेला. तेव्हा त्याने दिलेल्या उत्तरांची सध्या सोशल मिडियावर चर्चा सुरु आहे. चित्रपटावर होत असलेल्या टिकेबद्दल बोलतांना चित्रपटाचा अहेमद म्हणाला की, ‘ ज्यांना असं वाटतयं की त्यांनी चित्रपटाच्या थेटर बाहेर जावून प्रेक्षकांचे रिव्हू घ्यावं' असा सल्ला दिला.
पुढे तो म्हणाला की, मराठी चित्रपट महाराष्ट्रात नाही दाखवायचा मग कुठे चालतो का तुम्हाला. या चित्रपटाला जर अडल्ट म्हणत असाल तर हिदीं चित्रपटातील नंगानाच तुम्हाला चालतोय? गौतमी पाटील नाचलेली चालतेय तुम्हाला? मराठवाड्यातील एका शेतकऱ्याच्या मुलाने हा चित्रपट बनवलेला चित्रपट तुम्हाला का चालत नाही. असं म्हणतं अहेमद देशमुख संताप व्यक्त केला आहे.
चित्रपटावर टिका करणाऱ्यांवर अहेमद चांगलाच भडकलेला दिसतोय. त्याने गौतमी पाटील आणि हिदीं सिनेमांच उदाहरण देत त्याची बाजू मांडली आहे. इतकच नाही तर जर 'ढिशक्यांव' चित्रपटात अडल्ट सीन असेल तर मी आताच्या आता हा सिनेमा खाली उतरवायला लावतो. असंही तो म्हणाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
