Divya Dutta refused Bhaag Milkha Bhaag : बॉलीवूड अभिनेत्री दिव्या दत्तानं नुकत्याच एका मुलाखतीत 'भाग मिल्खा भाग' विषयी बोलताना म्हटलं आहे की तिनं सुरुवातीला फरहान अख्तरच्या बहिणीची भूमिका साकारायला नकार दिला होता. दिव्या दत्ताचं म्हणणं आहे की फरहान तिचा क्रश होता आणि तिला त्याची बहिण मुळीच बनायचं नव्हतं.
'भाग मिल्खा भाग' सिनेमात दिव्या दत्तानं फरहान अख्तरच्या मोठ्या बहिणीची म्हणजे इसरी कौरची भूमिका साकारली होती. ही भूमिका तिनं इतकी उत्कृष्ट साकारली होती की तेव्हा तिची जोरदार प्रशंसा झाली होती. दिव्या दत्तानं सिनेमाला अनेक वर्ष झाल्यानंतर फरहान विषयीच्या आपल्या मनातील भावनांचा खुलासा केला आहे. (Divya Dutta refused bhaag milkha bhaag role..actress says..)
अभिनेत्री दिव्या दत्तानं या लेटेस्ट मुलाखतीत खूप किस्से शेअर केले आहेत. २०१२ साली आलेल्या 'भाग मिल्खा भाग' सिनेमातील भूमिकेविषयी जेव्हा दिव्या दत्ताला मुलाखतीत विचारलं तेव्हा अभिनेत्री म्हणाली,''ती भूमिका मला आधी करायची नव्हती कारण त्या दरम्यान फरहान माझा क्रश होता''.
दिव्या पुढे म्हणाली, ''मी सिनेमाला नकार दिला होता आणि म्हणाली होते, मी का त्याची बहीण बनू''. पण दिग्दर्शक राकेश ओम प्रकाश मेहरा मला म्हणाले,''तू एक कलाकार आहेस ना..मग त्या अनुषंगाने विचार कर''.
दिव्या दत्तानं 'भाग मिल्खा भाग'चा किस्सा शेअर करत म्हटलं की,'' सिनेमाचं शूटिंग सुरू होण्याआधी दिग्दर्शक राकेश ओमप्रकाश मेहरा तिच्याजवळ आले आणि म्हणाले,त्यांना तिला कोणाला तरी भेटवायचं आहे''.
'' मग एका व्यक्तीच्या खांद्यावर त्यांनी हात ठेवला तेवढ्यात ती व्यक्ती पटकन वळली आणि पाहू लागली..तेव्हा मला धक्का बसला अर्थात आश्चर्य अन् आनंदाचा..कारण तो फरहान अख्तर होता''.
दिव्या दत्ता म्हणाली,''मी फरहानला पाहतच राहिले आणि म्हणाले,हा मुळीच फरहान नाही..हा तर मिल्खा आहे..''
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
