Dunki Teaser: मी शपथ घेतो की, लंडनला जायचा विचार केला तर आजी....किंग खानच्या डंकीचा भन्नाट टीझर

Dunki Teaser: शाहरुख खानच्या डंकी सिनेमाचा टीझर आज रिलीज झालाय. साधारण दीड मिनिटाच्या असलेल्या या टीझरने सर्वांचं मन जिंकलंय.

शाहरुख खानसोबत तापसी पन्नू, विकी कौशल असे अनेक कलाकार सिनेमात पाहायला मिळत आहेत.

(dunki teaser shah rukh khan vicky kaushal tapasi taapsee pannu rajkumar hirani)

शाहरुखच्या डंकी सिनेमाचा पहिला टीझर रिलीज

शाहरुखच्या डंकी सिनेमाच्या टीझरची सुरुवात होते एका डोंगराळ भागातुन. जिथे शाहरुख काही साथीदारांसोबत डोंगराळ भागात चालताना दिसतो. त्याच्यावर कोणीतरी बंदुक रोखुन उभं आहे.

अचानक टीझर पंजाबमध्ये घेऊन जातो. जिथे शाहरुख नाचुन - गाऊन धम्माल करताना दिसतो. त्याचे मित्रही दिसतात. तापसी पन्नू, विकी कौशलची झलक सिनेमात पाहायला मिळते. या मित्रांना लंडनमध्ये जायची इच्छा असते. आता त्यांचं स्वप्न पूर्ण होणार का? हे सिनेमात पाहायला मिळेल.

शाहरुखचा खास अंदाज फॅन्सना आवडला

डंकी टीझरमध्ये शाहरुख खानचा रॉकींग अंदाज प्रेक्षकांना चांगलाच आवडल्याचं दिसतंय. शाहरुख खान टीझरमध्ये कॉमेडी करताना, नाचताना, गाताना दिसतोय. शाहरुख अनेक दिवसांनी अशा हलक्याफुलक्या भुमिकेत प्रेक्षकांना पाहायला मिळतोय.

शाहरुख डंकी मधल्या हार्डीच्या भुमिकेत पुन्हा एकदा सुपरहिटचा डंका गाजवणार यात शंका नाही. डंकीमध्ये शाहरुखसोबत विकी कौशल आणि तापसी पन्नू हे कलाकार सुद्धा प्रभावी भुमिकेत आहेत.

डंकीची रिलीज डेट काय?

टीझर आल्यापासुन शाहरुख खानच्या डंकीची उत्सुकता शिगेला आहे. डंकी सिनेमात शाहरुखशिवाय तापसी पन्नू, दिया मिर्झा, बोमन इराणी हे देखील चित्रपटात महत्त्वाच्या भूमिकेत दिसणार आहेत. तर विकी कौशल या चित्रपटात कॅमिओ करणार अशी चर्चा आहे.

डंकी सिनेमा २१ डिसेंबरला संपूर्ण भारतात रिलीज होणार आहे.