दोन- तीन दिवसांपूर्वी चित्रीकरण रद्द झाल्‍याने सयाजी शिंदे हे साताऱ्यात आले होते. यानंतर त्‍यांनी हृदयाशी निगडित इतर चाचण्‍या आणि उपचार करण्‍याचे ठरवले.
सातारा : प्रसिद्ध अभिनेते सयाजी शिंदे (Actor Sayaji Shinde) यांच्‍यावर साताऱ्यातील एका खासगी रुग्‍णालयात (Private Hospital) उपचार सुरू असून, हृदय रक्‍तवाहिनीतील अडथळा दूर करणारी शस्‍त्रक्रिया त्‍यांच्‍यावर करण्‍यात आली आहे. शस्‍त्रक्रियेनंतर त्‍यांची प्रकृती स्‍थिर असून, येत्‍या आठवडाभरात ते त्‍यांची दैनंदिन कामे पूर्ववत करण्‍यास सज्‍ज होतील, अशी माहिती उपचार करणाऱ्या डॉ. सोमनाथ साबळे यांनी प्रसारमाध्‍यमांना दिली.
गेल्‍या काही दिवसांपासून अभिनेते सयाजी शिंदे यांना हृदयक्रियेबाबत अस्‍वस्‍थता जाणवत होती. यामुळे त्‍यांनी त्‍याबाबतच्‍या वैद्यकीय तपासण्‍या (Medical Test) काही दिवसांपूर्वी करून घेतल्‍या होत्‍या. या तपासणी अहवालात थोडे वैद्यकीय बदल दिसून आले. यानंतर प्रगत तंत्रज्ञानाच्‍या मदतीने पुन्‍हा काही चाचण्‍या करून घेण्‍यात आल्‍या. या चाचणीत दोष आढळून आले. यानंतर त्‍यांनी आवश्‍‍यक ते उपचार घेण्‍याचा निर्णय घेतला.
दोन- तीन दिवसांपूर्वी चित्रीकरण रद्द झाल्‍याने सयाजी शिंदे हे साताऱ्यात आले होते. यानंतर त्‍यांनी हृदयाशी निगडित इतर चाचण्‍या आणि उपचार करण्‍याचे ठरवले. यानुसार ते साताऱ्यातील एका खासगी रुग्‍णालयात दाखल झाले. वैद्यकीय तपासणीत हृदयाच्या एका रक्‍तवाहिनीत अडथळा असल्‍याचे आढळले. यानुसार तत्काळ त्‍यावरील उपचार आणि शस्‍त्रक्रिया त्‍याच हॉस्‍पिटलमध्‍ये करण्‍यात आली.
याबाबत डॉ. सोमनाथ साबळे यांनी शस्‍त्रक्रियेनंतर सयाजी शिंदे यांची प्रकृती स्‍थिर असून, येत्‍या आठवडाभरात ते त्‍यांची दैनंदिन कामे पूर्ण क्षमतेने करतील, अशी माहिती प्रसारमाध्‍यमांना दिली. याच अनुषंगाने सयाजी शिंदे यांनी समाजमाध्‍यमांवर काळजी करण्‍याचे काहीही कारण नसल्‍याचे सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
