शाहरुख खान अनेकदा आस्क एसआरके सेशनद्वारे त्याच्या चाहत्यांशी संपर्क साधण्याचा प्रयत्न करतो. पठाण हा चित्रपट प्रदर्शित होण्याच्या एक दिवस आधी शाहरुख खानने ट्विटरवर चाहत्यांशी संवाद साधला. यादरम्यान तो पुन्हा एकदा आपल्या फनी स्टाइलमध्ये दिसला. चाहत्यांच्या प्रश्नांना त्यांनी मजेशीर उत्तरे दिली. इतकंच नाही तर अनेक चाहत्यांच्या वाकड्या तिकड्या प्रश्नांना त्याने मजेदार उत्तरंही दिले.
एका चाहत्याने शाहरुख खानला विचारले की, "मी पठाणचा लेट नाईट शो बुक केला आहे. पण आता रात्री उशिरा घरी जाण्याची परवानगी मिळेल की नाही याची भीती आहे". याला उत्तर देताना शाहरुखने सल्ला दिला की, "तुम्ही रात्री घराबाहेर झोपा आणि सकाळी मॉर्निंग वॉकला आल्यासारखे अ‍ॅक्टिंग करा, कशी वाटली आयडिया?"
एका चाहत्याने ट्विट करून विचारले, “सर, माझे गेल्या आठवड्यात लग्न झाले आहे, मी आधी हनिमूनला जाऊ की पठाण बघू?” याच्या उत्तरात शाहरुखने लिहिले, “बेटा, एक आठवडा झाला, अजून हनिमून केला नाही, आधी पठाण बघ आणि मग बायकोसोबत हनिमूनला जा ".
शाहरुख खाननेही या सेशनच्या शेवटी चाहत्यांचे प्रेम आणि समर्थनाबद्दल आभार मानले. त्याने ट्विट केले की, “आता जायचे आहे कारण मला मी कुटुंबासोबत जेवण करायचे आहे. पुन्हा एकदा सर्वांचे आभार, चित्रपटादरम्यान भेटू".
शाहरुख खानचा 'पठाण' सिनेमा २५ जानेवारी २०२३ रोजी रिलीज होत आहे. या सिनेमात दीपिका पदूकोण,जॉन अब्राहम,डिंपल कपाडिया,आशुतोष राणा सोबत अेनक स्टार्स असणार आहेत. दिग्दर्शक सिद्धार्थ आनंदने या सिनेमाचं दिग्दर्शन केलं आहे. यश राज फिल्म्सच्या प्रॉडक्शन अंतर्गत हा सिनेमा बनवण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
