आमिरच्या 'लाल सिंग चड्ढा' ला शाहरुखचा टोमणा

शाहरुख खाननं(Shah rukh Khan) बऱ्याच दिवसांनी ट्वीटर(Twitter)च्या माध्यमातून सोशल मीडियावर पुन्हा कमबॅक केलं अन् चाहत्यांनी त्याच्यावर नुसता प्रश्नांचा भडिमार केला. शाहरुखने चाहत्यांसाठी खास एक लाईव्ह सेशन घेतलं होतं,'Ask Me Anything?' या टायटल अंतर्गत. त्यावेळीच त्यानं आपल्या 'पठाण' सिनेमाचा टीझर लॉंच केला. त्याने तब्बल दहा मिनिटं या लाईव्ह चॅट अंतर्गत चाहत्यांशी संवाद साधला. हा एक प्रकारे 'पठाण' सिनेमाच्या प्रमोशनचाच भाग होता म्हणा. याच सेशनमध्ये शाहरुखला आमिर(Aamir Khan) वरनं एका चाहत्यानं प्रश्न विचारला आणि त्यावर शाहरुखनं आपली नाराजगी न दाखवत त्याला मजेशीर उत्तर दिलं. काय होता चाहत्याचा तो प्रश्न? आणि काय दिलं होतं शाहरुखने त्यावर उत्तर?

चाहत्यानं पठाणच्या टीझर रिलीजच्या प्रसंगी शाहरुखला विचारलं,' तू आमिरचा लाल सिंग चड्ढा सिनेमा पाहिलास का?' त्यावर शाहरुख प्रसंगावधान राखून म्हणाला,''अरे यार,आमिर केहता है पेहले पठाण दिखा!'' आता शाहरुखचं हे उत्तर आहे की नाही मजेशीर. म्हणजे शाहरुख-आमिर मध्ये जे शीतयुद्ध आहे त्याचा कुठलाही मागमुस इथे किंग खानने लागू दिला नाही.

आमिरचा 'लाल सिंग चड्ढा'(Lal Singh Chaddha) ११ ऑगस्ट रोजी सर्वत्र सिनेमागृहात प्रदर्शित होणार आहे. हा सिनेमा १९९४ मधील अमेरिकन सिनेमा 'फॉरेस्ट गम्प'चा रीमके असल्याचं बोललं जात आहे. आमिर व्यतिरिक्त 'लाल सिगं चड्ढा' मध्ये करिना कपूर,नागा चैतन्य,मोना सिंग हे देखील मुख्य भूमिकेत आहे. तर शाहरुखचा 'पठाण' हा २५ जानेवारी रोजी म्हणजे पुढील वर्षी प्रदर्शित केला जाणार आहे. २०१८ नंतर शाहरुखचा प्रदर्शित होणारा हा पहिलाच सिनेमा आहे. 'पठाण'(Pathan) मध्ये शाहरुखसोबत दीपिका पदुकोण (Deepika Padukone) आहे. 'पठाण'चा टीझर रीलीज करताना शाहरुखनं चाहत्यांसाठी खास पोस्टही लिहिली आहे. तो म्हणालाय,''मला माहित आहे थोडा उशीर झाला आहे सिनेमा प्रदर्शनासाठी. पण प्रदर्शनाची तारीख विसरू नका. पठाण येतोय तुमच्या भेटीला''.