Don 3 Announcement: शाहरुख खान की रणवीर सिंग? 'डॉन 3' ची घोषणा करत टिझर रिलिज...

Don 3 Announcement: ‘डॉन का इंतजार तो 11 मुल्कों की पुलिस कर रही है लेकिन डॉन को पकडना मुश्किल ही नहीं नामुमकिन है…’ क्वचितच लोक असतील की ज्यांनी हा डॉयलॉग ऐकला नसले. 'डॉन' आणि 'डॉन 2' चित्रपटांनी प्रेक्षकांच्या मनावर राज्य केलं आहे. शाहरुख खानच्या करिअरमधील हे सुपरहिट सिनेमे होते.

शाहरुखच्या या चित्रपटातील भुमिकेने त्याच्या अभिनय कारकिर्दीला वेगळ्याच उंचीवर नेलं. गेल्या काही दिवसांपासून 'डॉन 3' ची चर्चा सुरु होती. लवकरच 'डॉन 3' प्रेक्षकांच्या भेटीला येईल अशी आशा प्रेक्षकांना होती. आता 'डॉन' फ्रँचायझीच्या निर्मात्यांनी एक टीझर रिलीज करत 'डॉन 3'ची अधिकृत घोषणा केली आहे.

फरहान अख्तरने आता डॉन 3 ची घोषणा केली आहे. डॉन 3 सोबत एक नवं पर्व घेऊन येत असल्याचं फरहाननं म्हटलं आहे. फरहान अख्तर त्याच्या सोशल मीडियावर हा व्हिडिओ शेअर केला आहे. व्हिडिओमध्ये त्याने डॉन 3 बद्दल सांगितले आहे.

मात्र चित्रपटच्या स्टारकास्टबद्दल फरहानने काहीही सांगितले नाही. मात्र गेल्या काही दिवसांपासून सोशल मिडियावर चर्चा सुरु आहेत की यावेळी रणवीर सिंग हा शाहरुख खानची जागा घेणार आहे. 'डॉन 3' मध्ये यावेळी रणवीर सिंग हा प्रेक्षकांच्या भेटीला येणार असल्याचं बोललं जात आहे. मात्र शाहरुखच्या चाहत्यांना हे मुळिच मान्य नाही.

सोशल मीडियावर व्हिडिओ येताच 'डॉन 3' ट्रेंडिंगला आला आहे. 'डॉन 3'चा अधिकृत टीझर लवकरच प्रदर्शित होणार असल्याचंही सांगिकलं जात आहे. त्याचबरोबर 'गदर 2' च्या चित्रपटासोबत 'डॉन 3' चा टीझर रिलीज होणार आहे. अशा चर्चा सुरु आहे.

2006 मध्ये शाहरुख खान स्टारर 'डॉन' रिलीज झाला, ज्याने बॉक्स ऑफिसवर कमाल केली होती. तर पाच वर्षांनंतर 2011 मध्ये 'डॉन 2' रिलीज झाला, ज्यामध्ये प्रियांका आणि लारा दत्ता देखील मुख्य भूमिकेत दिसल्या होत्या. या चित्रपटाने देखील बॉक्स ऑफिसवर अनेक रेकॉर्ड केले.