Gadar 2 Box Office Collection Day 5: बॉलिवूड अभिनेता सनी देओल आणि अमीषा पटेल यांच्या गदर 2 ने धुमाकूळ घातला आहे. या चित्रपटाने बॉक्स ऑफिसवर पुन्हा एकदा जादू दाखवली आहे. तब्बल 22 वर्षांपूर्वी आलेल्या गदर इतकंच प्रेक्षकांच प्रेम या चित्रपटाला मिळत आहे.
गदर 2 ने रिलीजच्या अवघ्या 5 दिवसात बॉक्स ऑफिसवर बक्कळ कमाई केली आहे. त्यात कालचा स्वातंत्र्यदिन या चित्रपटासाठी खुपच खास ठरला. यादिवशी गदर 2 ने 200 कोटींच्या क्लबमध्ये एंट्री केली आहे.
गदर 2 ने रिलीजच्या पाचव्या दिवशी म्हणजेच स्वातंत्र्यदिनी रेकॉर्डब्रेक कमाई करत पुन्हा एकदा रेकॉर्ड केला आहे. भारत पाकिस्तानातील प्रेमकहानीवर आधारित हा सिनेमा पाहण्यासाठी प्रेक्षकांची गर्दी झाली होती.
गदर 2 ने रिलीजच्या पाचव्या दिवशी सगळ्या जास्त कोटींचा गल्ला जमावला आहे. सनी देओलच्या गदर 2 ने रिलिजच्या 5 व्या दिवशी 55.5 कोटींची कमाई केली. याच आकड्यावरुन आता गदर 2 च्या एकूण कमाईबद्दल बोलायचं झालं तर, चित्रपटाने जगभरात आत्तापर्यंत 230 कोटींचा गल्ला जमावला आहे.
या आकडेवारी नुसार सनी देओल आणि अमिषा पटेल स्टारर गदर 2 ने प्रभासच्या बाहुबली 2, सलमान खानचा सुलतान आणि हृतिक रोशनच्या वॉरला देखील मागे टाकले आहे.
बॉलीवूडमधील टॉप 5 सर्वाधिक कमाई करणाऱ्या चित्रपटांच्या यादीत गदर 2 आता दुसऱ्या क्रमांकावर आहे. चित्रपटाची कमाई आणि चाहत्यांचे प्रेम पाहून सनी देओल आणि निर्माते खूश आहेत.(Latest Marathi News)
अनिल शर्मा यांनी गदर 2 चे दिग्दर्शन केले आहे. या चित्रपटात सनी देओल आणि अमिषा पटेलसोबत उत्कर्ष शर्मा महत्त्वाच्या भूमिकेत आहेत. उत्कर्षने गदर २ मध्ये सनी देओलच्या मुलाची भूमिका साकारली आहे. सिमरत कौरने देखील चित्रपटात महत्वाची भुमिका साकारली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
