Gadar 2 मध्ये 'हा' अभिनेता दिसणार सकीनाच्या वडीलांच्या भूमिकेत, अमरिश पुरी यांना करणार रीप्लेस

Gadar 2 : सनी देओल आणि अमिषा पटेलनं 'गदर २' चं प्रमोशन सुरु केलं आहे. हा सिनेमा याचवर्षी स्वातंत्र्यदिनी रिलीजसाठी मोठ्या जल्लोषात तयार आहे. सिनेमाच्या सेटवरनं अनेक व्हिडीओज आधीच व्हायरल झालेयत. त

आता चाहते हे जाणून घ्यायला उत्सुक आहेत की सिनेमात अमीषा पटेल म्हणजे सकीनाच्या वडीलांची भूमिका कोण साकारणार आहे. २००१ साली रिलीज झालेल्या 'गदर' सिनेमात अमिषाच्या वडीलांची भूमिका अमरिश पूरी यांनी साकारली होती.

अमीषा पटेलच्या वडीलांची भूमिका 'गदर २' मध्ये मनीष वाधवा साकारणार आहेत. शाहरुख खानच्या 'पठाण' सिनेमात मनीष वाधवा खलनायकाच्या भूमिकेत दिसले होते. त्यांच्या भूमिकेची प्रशंसाही झाली आहे.

'गदर २' सिनेमात उत्कर्ष शर्मा,सिमरत कौर,गौरव चोप्रा आणि लव्ह सिन्हा देखील महत्त्वाच्या भूमिकेत दिसणार आहेत. सिनेमाचं पहिलं पोस्टर रिलीज केलं गेलं आहे. ज्यामध्ये सनी देओल आणि अमीषा पटेल दिसत आहेत.

'गदर २' तब्बल २२ वर्षानंतर सिनेमागृहात रिलीज होणार आहे. 'गदर २' मध्ये यावेळी प्रेक्षकांना खूप नवीन गोष्टी पहायला मिळणार आहेत. पण आपण सर्वच 'गदर' मधील या तीन चेहऱ्यांना नक्कीच मिस करू.

सगळ्यात आधी बोलूया अमरिश पुरी यांच्याविषयी. अमरिश पुरी यांनी सिनेमात सकीनाच्या वडीलांची म्हणजे अशरफ अली ही व्यक्तिरेखा साकारली होती. १२ जानेवारी, २००५ मध्ये अमरिश पुरी यांचे निधन झाले.

त्यामुळे आता त्यांची जागा 'गदर २' मध्ये कोण घेणार याविषयी लोकांना उत्सुकता होती. तर आता सकीनाच्या वडीलांची भूमिका मनीष वाधवा साकारताना दिसतील.

'गदर' मधील तारा सिंगचा मित्र दरमियान सिंग ही व्यक्तिरेखा साकारणारे विवेक शौक देखील 'गदर २' मध्ये दिसणार नाहीत. कारण २०११ मध्ये त्यांचेही हार्टअटॅकने निधन झाले आहे.

त्यासोबतच 'गदर'च्या पहिल्या भागात न्यूजपेपर एडिटरची व्यक्तिरेखा साकारणारे मिथलेश चतुर्वेदी देखील सिनेमात दिसणार नाहीत. त्यांचे निधन गेल्यावर्षीच झाले आहे.

त्यासोबतच ओम पुरी ज्यांनी सिनेमाचं नरेशन दिलं होतं,आता ते देखील आपल्यामध्ये नाहीत. त्यांचे निधन २०१७ साली झालं आहे.