Gadar 2 अन् OMG 2 मध्ये 'पूजा' फसणार तर नाही ना? 'Dream Girl 2' मधल्या आयुषमानची डोकेदुखी वाढणार!
Ayushmann khurrana Dream girl 2 stuck between gadar 2 OMG 2 : गदर २ आणि ओएमजी २ मध्ये सनीच्या गदर २ ने बाजी मारली आहे. या चित्रपटानं पाचशे कोटींच्या दिशेनं वाटचाल सुरु केली आहे.आतापर्यत गदर २ ने साडेतीनशे कोटींपेक्षा जास्त कमाई केल्याचे दिसून आले आहे. यात ओएमजीनं देखील शंभर कोटींचा टप्पा ओलांडला आहे.
ऑगस्ट महिना हा बॉलीवूडसाठी खूपच इंटरेस्टिंग ठरताना दिसतो आहे. या महिन्यात आतापर्यत रजनीचा जेलर, सनीचा गदर २ आणि अक्षयचा ओएमजी २ प्रदर्शित झाला आहे. येत्या आठवड्यात आयुषमान खुरानाचा ड्रीम गर्ल २ प्रदर्शित होणार असून त्यामध्ये आयुषमान खुरानाची प्रमुख भूमिका आहे. आयुषमानच्या यापूर्वीच्या ड्रीम गर्ल भाग १ ला प्रेक्षकांचा मोठा प्रतिसाद मिळाल्याचे दिसून आले होते.
Also Read - Adhik Shravan Maas : अधिक श्रावण मास चित्तशुद्धीचा पर्वकाळ
आता आयुषमानसाठी चिंतेची बाब म्हणजे त्याला सनी देओलचा गदर २ आणि अक्षयच्या ओएमजी २ सोबत फाईट द्यावी लागणार आहे. वास्तविक आयुषमानच्या चित्रपटाचा जॉनर पूर्णपणे वेगळा आहे. कॉमेडी प्रकारात मोडणाऱ्या या चित्रपटाच्या गाण्याला आणि ट्रेलरला प्रेक्षकांचा मोठा प्रतिसाद मिळाला होता. गेल्या काही दिवसांपासून प्रेक्षक आयुषमानच्या या चित्रपटाची आतूरतेनं वाट पाहत होते.
दुसरीकडे असे ऐकायला मिळते आहे की, आयुषमानच्या नव्या चित्रपटाची आगाऊ बूकींगही जोरात होताना दिसत आहे. अशातच दोन तगड्या अभिनेत्यांचे आव्हानही आयुषमानुपुढे असणार आहे. त्यामुळे एकुणच या चित्रपटाचा माहोल अद्याप तयार झालेला दिसून येत नसल्याचे नेटकऱ्यांचे म्हणणे आहे.
दुसरी गोष्ट म्हणजे सध्या गदर २ आणि ओएमजी २ ची वातावरण निर्मिती अजूनही कायम आहे. गदर २ पाहण्यासाठी प्रेक्षक गर्दी करत आहे. त्यामुळे येत्या काळात आयुषमानला स्वताची छाप उमटविण्यासाठी मोठी फाईट द्यावी लागणार आहे हे नक्की...
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.