'Garbe Ki Raat'; बिग बॉस फेम राहुल वैद्यला जीवे मारण्याची धमकी

मुंबई - इंडियन आयडॉलमधून लोकप्रिय झालेला गायक राहूल वैद्य बिग बॉसमध्येही चमकल्याचे दिसून आले. सोशल मीडियावरही नेहमी सक्रिय असणाऱ्या या गायकानं अमाप प्रसिद्धी मिळवली आहे. त्यानं बिग बॉसमध्ये केलेल्या परफॉर्मन्सचही त्याच्या चाहत्यांनी कौतूक केलं. मात्र सध्या राहुल वैद्य अडचणीत सापडल्याचे दिसुन आले आहे. त्याला जीवे मारण्याची धमकी मिळाली आहे. त्याचे कारण त्यानं यु ट्युबवर शेयर केलेला एक व्हि़डिओ. गर्बे की रात नावाच्या गाण्याचा एक व्हिडिओ त्यानं यु ट्युबवर शेयर केला होता. त्याला त्याच्या चाहत्यांचा प्रतिसादही मिळाला. आता तोच व्हिडिओ वादाच्या भोवऱ्य़ात सापडल्याचे दिसुन आले आहे. त्यात त्यानं श्री माँ मोगल देवी जी समस्त गुजरातमधील भाविकांची श्रद्धास्थान आहे. त्या व्हिडिओतून देवीची प्रतिमा मलीन केल्याचा आरोप काही जणांनी केला आहे. त्यामुळे त्याला ट्रोलही करण्यात आले आहे.

राहुलला ट्रोल करणाऱ्य़ांचे म्हणणे आहे की, त्यानं देवी माँ ची प्रतिमा मलीन करण्याचा प्रयत्न केला आहे. त्यातून त्याला जीवे मारण्याच्या धमक्या मिळाल्या आहेत. आता त्या गाण्यावर बंदी घालण्यात आली आहे. देवीच्या भक्तांकडून राहुलला जीवे मारण्याची धमकी मिळाल्याचे सुत्रांनी सांगितले आहे. त्या गाण्याचे नाव गर्बे की रात असे आहे. त्यामध्ये राहुलच्या समवेत निया शर्माही आहे. याविषयी राहुलनं सांगितलं की, आपल्याला जीवे मारण्याची धमकी मिळाली आहे. मला आलेले मेसेज, आणि फोन यातून अनेकांनी आपल्याला जीवे मारण्याची धमकी दिल्याचेही राहुलनं सांगितलं आहे. इतकेच नाही तर राहुलच्या विरोधात पोलिसांकडे तक्रारही करण्यात आली आहे. राहुलनं त्या व्हिडिओच्या माध्यमातून भक्तांच्या भावना दुखावल्या आहेत. देवीची प्रतिमा मलीन करण्याचा प्रयत्न करण्यात आला आहे. असे त्या तक्रारीमध्ये नमूद करण्यात आले आहे.

8 ऑक्टोबरला गर्बे की रात नावाचे गाणे यु ट्युबवर व्हायरल करण्यात आले होते. ते गाणे राहुलनं गायलं आहे. आतापर्यत त्या गाण्याला 4 मिलियनपेक्षा अधिक व्ह्युज मिळाले आहे. राहुलसोबत भूमी त्रिवेदीनंही हे गाणं गायलं आहे.