Hanuman 2 Movie : राम मंदिर प्राणप्रतिष्ठाच्या पार्श्वभूमीवर 'हनुमान' च्या मेकर्सनं केली मोठी घोषणा!

hanuman makers announce sequel jai hanuman on ram mandir inauguration : सध्या बॉक्स ऑफिसवर प्रशांत वर्मा यांच्या हनुमान या चित्रपटाची जोरदार चर्चा असल्याचे दिसून आले आहे. या चित्रपटानं काही दिवसांपूर्वी प्रदर्शित झालेल्या मैं अटल हू या चित्रपटाला मागे टाकून वेगळा विक्रम आपल्या नावावर केला आहे.

आता हनुमानच्या मेकर्सनं एक नवी घोषणा केली आहे. ज्याची चर्चा आहे. बिग बजेट चित्रपटांना मोठं आव्हान देणाऱ्या हनुमानच्या शो ला तरुणाईची गर्दी होत असल्याचे दिसून आले आहे. या चित्रपटानं गेल्या आठवडाभरात दहा कोटींपेक्षा जास्त कमाई केली आहे. मेकर्सनं शेयर केलेल्या त्या गोड बातमीनं चाहत्यांनी त्यांच्यावर कौतुकाचा वर्षाव केला आहे.

अयोध्येमध्ये काल श्रीराम यांचा प्राणप्रतिष्ठा सोहळा पार पडला. त्याला मनोरंजन विश्वातील अनेक सेलिब्रेटी हजर होते. त्यात साऊथच्या रजनीकांत आणि चिरंजीवी यांनीही हजेरी लावली होती. त्यांचे फोटो आणि व्हिडिओ सोशल मीडियावर वेगानं व्हायरल झाले आहेत. त्यावर नेटकऱ्यांनी कौतुकाचा वर्षाव केला आहे.

राम मंदिराच्या प्राणप्रतिष्ठेच्या निमित्तानं हनुमानच्या मेकर्सनं सिक्वेलची घोषणा केली आहे. १२ जानेवारी रोजी प्रदर्शित झालेल्या हनुमाननं बॉक्स ऑफिसवर गरुडझेप घेतल्याचे दिसून आले आहे. मुळ तेलुगू भाषेतील या चित्रपटानं इतर पाच भाषांमध्ये देखील प्रेक्षकांचे लक्ष वेधून घेतले आहे. हिंदीमधील हनुमाननं जोरदार कमाई केली आहे.

अवघ्या तीस कोटींच्या बजेटमध्ये तयार झालेल्या हनुमानमधील व्हिएफक्सची जोरदार चर्चा आहे. थ्री डी इफेक्टसही चाहत्यांच्या कौतुकाचा विषय आहे. १०० कोटीमध्ये तयार झालेल्या व्हिएफएक्सच्या तोडीचे व्हिएफएक्स हनुमानमध्ये असल्याचे अनेकांचे म्हणणे आहे. हनुमानचे दिग्दर्शक प्रशांत वर्मा यांनी पूर्वीदेखील आपल्या या चित्रपटाचा सिक्वेल येणार असे सांगितले होते.