Hemangi Kavi: "तुम्ही मला माफ कराल अशी मी आशा..", हेमांगी कवीचा माफीनामा; पोस्ट व्हायरल

Hemangi Kavi shared Apology post: मराठी मनोरंजन विश्वातील एक कायम चर्चेत राहणार नाव म्हणजे हेमांगी कवी. तिने अनेक मालिका, चित्रपट, नाटकाद्वारे अभिनयाची छाप सोडली आहे. हेमांगी अभिनयासोबतच अनेक वेगवेगळ्या कारणामुळे चर्चेत असते.

खास करुन हेमांगी तिच्या पोस्टसाठी चर्चेत असते. ती तिच्या अभिव्यक्तीच्या आधारावर अत्यंत परखडपणे तिचे पुरोगामी विचार लोकांपर्यंत पोहचवते. ती कायमच सोशल मीडियावर सक्रिय असते.

हेमांगी कवीने काल तिचा 35 वा वाढदिवस साजरा केला आहे. तिच्या वाढदिवसानिमित्त तिच्या चाहत्यांनी तिच्यावर शुभेच्छाचा वर्षाव केला होता.

अनेक कलाकार मंडळींनी देखील पोस्ट शेयर करत तिला शुभेच्छा दिल्या. वाढदिवशी हेमांगी खुपच व्यस्त होती मात्र तिने आत्ता सोशल मीडियावर चाहत्यांसाठी खास पोस्ट शेयर केली आहे.

तिचे काही फोटो शेयर केले आहेत. यात ती इंडो-वेस्टर्न लूकमध्ये दिसतेय. फोटो शेयर करत तिने लिहिले की, काल तुम्ही माझ्या वाढदिवसानिमित्त वेळात वेळ काढून मला शुभेच्छा देण्यासाठी msgs, phone calls, Dms केले त्यासाठी मी तुमचे आभार मानते. काहींचे calls मी घेऊ शकले नसेन, msgs वाचू शकले नसेन, reply देऊ शकले नसेन, tags पाहू शकले नसेन, stories remention करू शकले नसेन तर मोठ्या दिलानं तुम्ही मला माफ कराल अशी मी आशा करते."

पुढे ती लिहिते की, "कालचा दिवस खरंच तुमच्या शुभेच्छांमुळे खास बनला.

असंच प्रेम करत रहा, आशीर्वाद देत रहा! पुन्हा एकदा खुप खुप धन्यवाद!

त. टी.: वाढदिवस काल म्हणजे २६ ॲागस्टला होता, आज नाही याची कृपया मंडळाने नोंद घ्यावी!"

या पोस्टच्या कमेंटमध्ये अनेकांनी तिला वाढदिवसाच्या शुभेच्छा दिल्या आहेत. तिच्या अभिनयाचं आणि लूकचं कौतुक केलं आहे.

काही दिवसांपूर्वी हेमांगी रवी जाधव दिग्दर्शित 'ताली' वेबसीरीज मध्ये दिसली. तिची ही सिरिज जियो सिनेमा या ओटीटीवर रिलीज झाली.

यात स्वाती ही भूमिका साकारत तिने पुन्हा एकदा तिच्या अभिनयाचं प्रेक्षकांची मन जिंकली. त्याचबरोबर हेमांगीची दो गुब्बारे ही वेब सीरिज देखील रिलिज झाली आहे.

सध्या ती ‘मन धागा धागा जोडते नवा’ या मालिकेत काम करत आहे.