लोक मला हिणवायचे, म्हणायचे की तुझ्याकडे रंग नाही - हेमांगी कवी

बऱ्याच कलाकारांना ट्रोलिंगला सामोरे जावे लागते. त्यांनी आपले मत किंवा सरकारच्या एखाद्या चुकीच्या धोरणावर टीका करणारे छायाचित्रे किंवा व्हिडिओ सोशल मीडिया पोस्ट केल्यास त्यावर सकारात्मक व नकारात्मक प्रतिक्रिया येत असतात. आपल्या स्पष्ट वक्तेपणासाठी ओळखली जाणारी मराठी अभिनेत्री हेमांगी कवीने 'बाई, बुब्स आणि ब्रा' अशी पोस्ट शेअर केली होती. त्यावरुन मोठ्या प्रमाणावर चर्चा झाली होती. तिने आपल्या प्रवासाबद्दल प्रसारमाध्यमांशी संवाद साधला आहे. (Hemangi Kavi says people teasing me and taunting on colour)

हेमांगी कवी (Hemangi Kavi) म्हणते, लोक मला हिणवायचे. म्हणायचे की तुझ्याकडे रंग नाही, कळव्यासारख्या गावी राहते, तुझं भाषेवर प्रभूत्व नाही. हे ऐकत इथपर्यंत पोहोचल्याचे सांगून ती म्हणते ही माझ्यासाठी अचिव्हमेंट आहे. आपण कोणाशी स्वतःची तुलना केली नाही. स्पर्धेत उतरले नव्हते. आजपर्यंत जे काम मिळाले, त्यासाठी शंभर टक्के योगदान दिल्याचे ती सांगते. (Marathi Entertainment)

केवळ १५ सेकंदाची रिलही मनापासून करत असल्याचे ती आवर्जून सांगते. ट्रोलिंगचा आधी विचार करायचे. आता त्यास महत्त्व देत नसल्याचे हेमांगी कवी ट्रोलिंगबाबत आपलं मत व्यक्त करते. आपल्या समाजावर सोशल मीडियावर वावरण्याचे संस्कार झाले नसल्याचे ती म्हणते. ट्रोल झाले म्हणून मी माझे अकाऊंट वा काॅमेंट डिलिट केले नसल्याचे ती सांगते.