Mahaparinirvan Din: "माझ्या भीमानं लावली, शिक्षणाची हळद मला…", 'महापरिनिर्वाण दिना'निमित्त हेमांगीचं गाणं, व्हिडीओ बघा

Mahaparinirvan Din: ६ डिसेंबरला महापरिनिर्वाण दिनानिमित्ताने डॉ. बाबासाहेब आंबेडकरांना आदरांजली देण्यासाठी लाखो अनुयायी एकवटणार आहेत.

अशातच महापरिनिर्वाण दिनानिमित्त हेमांगीने तिच्या आगामी सिनेमातलं एक खास गाणं शेअर केलंय. या गाण्याचे शब्द, संगीत ऐकुन सर्वांना हे गाणं आवडेल यात शंका नाही.

माझ्या भीमानं लावली शिक्षणाची हळद मला, गाणं भेटीला

हेमांगी कवीने तिच्या आगामी 'तिचं शहर होणं' सिनेमातलं एक गाणं शेअर केलंय. या गाण्यात पवार आणि कांबळे कुटुंबातील हळदीचा प्रसंग दिसतो. यावेळी बॅकग्राऊंडला हे गाणं वाजतं. माझ्या भीमानं लावली, शिक्षणाची हळद मला… असे या गाण्याचे बोल आहेत.

शाहू, फुले अन् भीमानं दिली ज्ञानाची ताकद, अशा सुंदर ओळींनी हे गाणं सजलंय.

हेमांगी गाणं शेअर करुन लिहीते

हेमांगी हे गाणं शेअर करुन लिहीते, "रस्सा, काय गाणं लिहीलंयस गं!
#जयभीम. डॉ. बाबासाहेब आंबेडकरांच्या स्मृतीला विनम्र अभिवादन करून महापरिनिर्वाण दिनाच्या निमित्ताने आमच्या ‘तिचं शहर होणं ‘ चित्रपटातील हे गाणे तुमच्या भेटीस आणत आहोत. माझ्या भीमानं लावली, शिक्षणाची हळद मला…

रसिका आगाशेने हे गाणं लिहिलं असुन राहूल रानडेने संगीतबद्ध केलंय. नंदेश उमप यांनी हे गाणं गायलं आहे.