Honey Singh Birthday: हनी सिंगने वाढदिवशी चाहत्यांना दिली 'ही' खास भेट

प्रसिद्ध गायक आणि रॅपर आज त्याचा 40 वा वाढदिवस साजरा करत आहे. या खास प्रसंगी रॅपरने त्याच्या चाहत्यांना एक भेट दिली आहे.

हनी सिंगच्या जीवनावर एक डॉक्युमेंट्री बनवली जात आहे, जी नेटफ्लिक्सवर प्रदर्शित होणार आहे. हनी सिंगच्या आयुष्यावर बनलेल्या डॉक्युमेंट्रीचा टीझर रिलीज झाला आहे, जो पाहून चाहते खूश आहेत.

हनी सिंग आणि नेटफ्लिक्सच्या इन्स्टाग्राम हँडलवर एक जॉइंट पोस्ट शेअर करण्यात आली आहे. व्हिडिओमध्ये हनी सिंग स्टेजवर परफॉर्म करताना दिसत आहे आणि प्रेक्षक त्याला चीयर करत आहेत.

मोजेज सिंग यांनी रॅपर हनी सिंगच्या जीवनावरील माहितीपटाचे दिग्दर्शन केले आहे. आणि त्याचे निर्माते ऑस्कर पुरस्कार विजेते गुनीत मोंगा आहेत. या डॉक्युमेंट्रीमध्ये हनी सिंगचा प्रवास दाखवण्यात येणार आहे, तो काही वेळातच देशातील सर्वात मोठा रॅपर कसा बनला. यानंतर प्रकृती अस्वास्थ्यामुळे तो अचानक इंडस्ट्रीतून कसा गायब झाला.

हनी सिंगचे खरे नाव हिरदेश सिंह आहे. त्याने 2003 मध्ये पंजाबी रॅपर म्हणून संगीत जगतात थैमान घातले होते. 'ब्राऊन रंग', 'देसी कलाकर', 'ब्लू आईज' सारखी सुपरहिट गाणी दिली. याशिवाय त्याने बॉलिवूड चित्रपटांसाठीही अनेक गाणी गायली आहेत.

हनी सिंगने आपल्या करिअरमध्ये खूप वेगाने प्रगती केली आणि त्यानंतर 2015 सालानंतर तो मनोरंजन उद्योगातून गायब झाला. मात्र, आता त्याने हनी 3.0 म्युझिक अल्बमद्वारे पुनरागमन केले आहे.