दिलखुलास हसणं, मनमोकळं वागणं आणि बिनधास्त बोलणं यासाठी बॉलिवूडचे प्रसिद्ध अभिनेते अनिल कपूर यांची वेगळी ओळख आहे. त्यांचा हसरा चेहरा त्यांच्या प्रभावी व्यक्तिमत्त्वाची साक्ष पटवून देतो. वयाची साठी ओलांडल्यानंतरही त्यांच्या चेहऱ्यावर दिसणारा उत्साह, आणि ऊर्जा तरुणांनाही चकित करणारी आहे. अनिल कपूर हे गेल्या काही दिवसांपासून जर्मनीमध्ये आहेत. त्यांनी सोशल मीडियावर जर्मनी टूरमधील शेवटच्या दिवसाचा व्हिडीओ पोस्ट केला आहे. हा व्हिडीओ पोस्ट करत त्यांनी आज ट्रीटमेंटचा शेवटचा दिवस असल्याचं सांगितलं. त्यांचा हा व्हिडीओ पाहून अनिल कपूर यांना नेमकं काय झालं, असा प्रश्न चाहत्यांना पडला आहे.
अनिल कपूर यांनी त्यांच्या इन्स्टाग्राम अकाऊंटवर पोस्ट केलेल्या व्हिडीओमध्ये काळ्या रंगाचा कोट परिधान केला आहे. या व्हिडीओमध्ये जर्मनीमध्ये बर्फ पडत असल्याचं दिसत आहे आणि अशातच अनिल कपूर तेथील रस्त्यांवर फिरताना दिसत आहेत. व्हिडीओच्या बॅकग्राऊंडला ‘रॉकस्टार’ चित्रपटातील ‘फिर से उड चला’ हे गाणं ऐकू येत आहे. हा व्हिडीओ पोस्ट करत त्यांनी लिहिलं, ‘बर्फ पडत असताना एक वॉक. जर्मनीमधील शेवटचा दिवस. डॉ. मुलेर यांना मी आज शेवटच्या ट्रीटमेंटसाठी भेटणार आहे. त्यांचे आणि त्यांच्या संपूर्ण टीमचे मनापासून आभार.’ हे कॅप्शन वाचून अनिल कपूर यांना काय झालं, ते कोणत्या आजाराने त्रस्त आहेत, असे प्रश्न चाहत्यांना पडले आहेत.
गेल्या वर्षी अनिल कपूर यांनी सोशल मीडियाद्वारे ऍचिलीस टेंडिनाइटिसने (Achilles Tendinkitis) या आजाराने त्रस्त असल्याचं सांगितलं होतं. कोणतीही सर्जरी न करता त्यांनी या आजारावर मात केली होती. आता पुन्हा अनिल कपूर याच आजारावर उपचार घेण्यासाठी जर्मनीला गेले असावेत, असं काहींनी म्हटलं आहे. पण अद्याप याबाबत अनिल यांनी कोणतीही माहिती दिली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
