खल्लास या आयटम साँगसाठी लोकप्रिय असलेली अभिनेत्री ईशा कोप्पीकर हिने उघड केले आहे की तिच्या जागी एकदा एका चित्रपटात एका अभिनेत्याच्या मुलीची निवड करण्यात आली होती.
अभिनेत्री ईशा कोप्पीकरने (Isha Koppikar) सांगितले की तिच्या मुलीच्या जन्मानंतर ती सुट्टीवर गेली नाही. ईशा आता या वर्षी रिलीज होणाऱ्या अनेक प्रोजेक्ट्समध्ये दिसणार आहे.
ईशा कोप्पीकरने 1998 मध्ये आलेल्या 'एक था दिल एक थी धडकन' या चित्रपटातून बॉलिवूडमध्ये पदार्पण केले आणि फिजा, प्यार इश्क और मोहब्बत, कंपनी, कांटे, पिंजर आणि दिल का रिश्ता यांसारख्या चित्रपटांमध्ये काम केले. तिने 2009 पासून हॉटेलियर टिमी नारंगशी लग्न केले आहे आणि त्यांना एक सात वर्षांची मुलगी रियाना आहे.
तिच्या व्यक्तिमत्त्वाबद्दल बोलताना ईशाने एका मुलाखतीत सांगितले की, “मी जशी आहे तशीच राहते आणि व्यक्त होते. बरेच वेळा लोक आपला चुकीचा अर्थ लावतात. मी माझ्या कामासाठी येथे आहे. जर मला कोणी आवडलं तर मी त्यांच्याशी बोलेन, पण जर कोणी माझ्याशी वाईट वर्तन केले तर मात्र मला विचार करावा लागेल. माझ्या या वृत्तीमुळे मी बरेच प्रोजेक्टस गमावले आहेत.” (Isha Koppikar says she refused to meet actor who called her to come alone)
Isha Koppikar says she refused to meet actor who called her to come alone)
ईशाने बॉलीवूडमध्ये कॅम्प्स, कास्टिंग काउचच्या अस्तित्वाची पुष्टी केली आणि नेपोटिजमचा बळी असल्याची कबुली दिली. असाच एक प्रसंग शेअर करताना तिने खुलासा केला, “2000 च्या मध्यात, मला एका प्रसिद्ध निर्मात्याने बोलावले होते, ज्याने सांगितले होते की तुला नायकांच्या चांगल्या लिस्टमध्ये असणे आवश्यक आहे. त्याचा अर्थ मला कळला नाही. म्हणून, मी नायकाला कॉल केला, ज्याने मला त्याला एकटे भेटण्यास सांगितले. त्या क्षणी, त्याच्यावर बेवफाईचा आरोप केला जात होता, म्हणून त्याने मला स्टाफसोबत नको भेटायला येऊ असे सांगितले. मी निर्मात्याला फोन केला आणि सांगितले की मी माझ्या टॅलेंट आणि लूकमुळे येथे आले आहे आणि जर मला चांगले काम मिळू शकले तर ते खूप बरं होईल. नंतर मला या चित्रपटातून हाकलण्यात आले होते."
ईशाने गेल्या काही वर्षांत काही मराठी, कन्नड आणि तेलगू चित्रपटांमध्ये काम केले आहे. तिच्याकडे राकेश बापट सोबत 'अस्सी नब्बे पूरे सौ' देखील होता पण हा चित्रपट आठ वर्षापासून लांबला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.