Jacqueline Fernandez New House: मनी लाँड्रिंग प्रकरणात चर्चेत आलेल्या जॅकलीननं घेतलं नवीन घर, किंमत ऐकून बसेल धक्का

Jacqueline Fernandez New House: अभिनेत्री जॅकलिन फर्नांडिस ही तिच्या चित्रपटांपेक्षा तिच्या वैयक्तिक आयुष्यामुळेच चर्चेत असते. तिचे नाव गँगस्टर सुकेशसोबत अनेकदा जोडले गेले आहे. सुकेशने तुरुंगातून तिला पत्र पाठवत असतो. मात्र जॅकलिने यावर मौन पाळले आहे. ती केवळ तिच्या करियरवर फोकस करत असल्याच दिसत आहे. जॅकलीनने तिच्या आगामी 'फतेह' चित्रपटामुळेही चर्चेत आहे.

त्यातच आता जॅकलीन फर्नांडिसने मुंबईत घर खरेदी केल्याची बातमी समर आली आहे. तिने मुंबईतील वांद्रे पश्चिम येथे नवीन आलिशान घर खरेदी केले आहे. मुंबईतील वांद्रे येथे स्थित पाली हिल हा एक पॉश एरिया आहे. या ठिकाणी अनेक बॉलिवूड स्टार्सची घरे देखील आहेत.

मिळालेल्या बातमीनुसार, जॅकलिनचे हे नवीन घर पाली हिलच्या नवरोज इमारतीत आहे. या इमारतीतील सर्व घरे ही 1119 स्क्वेअर फूट 2557 स्क्वेअर फूट कार्पेट एरियामध्ये बांधलेली आहेत. सर्व अपार्टमेंट 3 BHK आणि 4 BHK चे आहेत. ज्याची किंमत 12 कोटी रुपयांपासून सुरू होते. या घरातच क्लब हाऊस, स्विमिंग पूल आणि जिमची सोय देखील आहे.

टाईम्स नाऊने दिलेल्या वृत्तानुसार, जॅकलिनचे नवे या कलाकारांच्या घराशेजारी असणार आहे. ती लवकरच रणबीर कपूर, आलिया भट्ट, करीना कपूर, सैफ अली खान यासारख्या कलाकारांची शेजारीन होणार आहे.

जॅकलिनच्या या घराजवळ सलमान खानचे अपार्टमेंटही देखील आहे. त्याचबरोबर शाहरुखचे घर देखील काही अतंरावरच आहे. त्यातच आता दीपिका पदुकोण आणि रणवीर सिंग देखील या शिफ्ट होणार आहे. त्याच्या घराचे काम सुरु आहे.

काही महिन्यांपूर्वी, जॅकलीन ठग सुकेश चंद्रशेखरच्या 200 कोटी रुपयांच्या मनी लॉन्ड्रिंग प्रकरणामुळे चर्चेत होती. या प्रकरणी ईडीने तिची चौकशी केली होती आणि तिच्या 7.27 कोटी रुपयांची मालमत्ताही जप्त केली होती. आता त्यातच जॅकलिने नवीन घर खरेदी केल्याने चर्चांना उधाण आलं आहे.

जॅकलिनच्या वर्कफ्रंटबद्दल बोलायचं झालं तर ती लवकरच वैभव मिश्राच्या फतेह चित्रपटात दिसणार आहे, ज्यामध्ये ती सोनू सूद आणि विजय राज यांच्यासोबत दिसणार आहे.

याशिवाय ती आदित्य दत्तच्या क्रैक - जीतेगा तो जिएगा या अॅक्शन स्पोर्ट्स चित्रपटातही दिसणार आहे. या चित्रपटात ती विद्युत जामवाल आणि अर्जुन रामपालसोबत दिसणार आहे.