जान्हवी कपूरच्या बॉयफ्रेंडची चर्चा; कोण आहे मिस्ट्री बॉय? जाणून घ्या

दिवंगत अभिनेत्री श्रीदेवी(Shridevi) यांची मोठी मुलगी जान्हवी कपूर(Janhvi Kapoor) आज बॉलीवूड(Bollywood)मधलं चर्चेतलं नाव आहे. 'धडक' सिनेमातनं बॉलीवूडमध्ये पदार्पण करणारी जान्हवीनं आतापर्यंतच्या तिच्या फिल्मी करियरमध्ये अनेक वेगवेगळ्या धाटणीच्या सिनेमांतून काम केलं आहे. अभिनयासोबतच जान्हवी सोशल मीडियावरही सक्रिय असते. ती नेहमीच आपले हॉट अॅन्ड बोल्ड फोटो,व्हिडीओ शेअर करताना दिसते. तिच्या फोटो-व्हिडीओवर तिचे चाहतेही खूप छान-छान प्रतिक्रिया नोंदवत असतात. पण आता जान्हवी कपूरचा एक व्हिडीओ सोशल मीडियावर जोरदार चर्चेत आहे. या व्हिडीओत जान्हवी एका अनोळखी मुलाचा हात मोठ्या प्रेमाने धरुन चालताना मीडियाला स्पॉट झाली. यावेळी ती एका ब्लॅक कलरच्या हॉट शॉर्ट ड्रेसमध्ये दिसली. तिच्या या लूकची देखील जोरदार चर्चा होत आहे. जान्हवीचा तो व्हायरल व्हिडीओ आम्ही इथे बातमीत जोडत आहोत.

जान्हवी कपूर अनेकदा मुंबई एअरपोर्ट,शॉपिंग,लंच,डिनरला जाताना मीडियाला स्पॉट होते. आणि अशा वेगवेगळ्या ठिकाणी मीडियानं काढलेले तिचे फोटो,व्हिडीओ व्हायरल होताना दिसतात. याचमध्ये आता एका मिस्ट्री बॉयसोबत तिचा व्हिडीओ व्हायरल झाला आहे. या व्हिडीओत जान्हवी काळ्या रंगाच्या वनपीसमध्ये खूपच हॉट दिसत आहे. तिच्यासोबत जो मिस्ट्री बॉय आहे,त्यानं नियॉन रंगांचा सैलसर टीशर्ट घातलं आहे. हा व्हिडीओ सोशल मीडियावर शेअर करण्यात आल्यानंतर खूपच व्हायरल झाला आहे. या व्हिडीओवर जान्हवीच्या चाहत्यांनी थेट तिला त्या मिस्ट्री बॉयविषयी विचारलं आहे. या व्हिडीओवर कमेंट करताना एका नेटकऱ्यानं विचारलं आहे की,'हा मुलगा कोण आहे?' तर आणखी एकानं विचारलं आहे की,'हा तुझा बॉयफ्रेंड आहे का?' तर आणखी एकानं तर सरळ म्हटलं आहे,'हातात हात पकडला आहे म्हणजे नक्की बॉयफ्रेंडच असणार'.

जान्हवी कपूरच्या सिनेमांविषयी बोलायचं झालं तर ती वरुण धवनसोबत 'बवाल' सिनेमात दिसणार आहे, त्या व्यतिरिक्त 'मिस्टर अॅन्ड मिसेस माही' मध्येही ती दिसणार आहे. आपले वडील निर्माते बोनी कपूर यांच्या 'बॉम्बे गर्ल' मध्येही जान्हवी मुख्य भूमिकेत दिसणार आहे. त्याचसोबत 'गुड लक जेरी','तख्त' आणि 'दोस्ताना २' मध्ये देखील ती महत्त्वाच्या व्यक्तिरेखा साकारताना दिसेल.