अख्तर बोलले, ट्रोल झाले, 'सरकारचं कौतूक पडलं महागात'

मुंबई - प्रसिध्द गीतकार जावेद अख्तर (javed akhtar ) हे सोशल मीडियावर अॅक्टिव्ह असणारे सेलिब्रेटी आहेत. ते त्यांच्या वादग्रस्त वक्तव्यासाठी ओळखलेही जातात. सध्या ते चर्चेत आले आहे. याचे एक महत्वाचे कारण म्हणजे त्यांनी सोशल मीडियावर केलेले व्टिट. राज्यात कोरोनाचा (Corona pandemic situation) संसर्ग जोरदार प्रमाणात सुरु आहे. अशावेळी कोरोनाचा हा प्रभाव रोखण्यासाठी प्रशासन शर्थीचे प्रयत्न करताना दिसत आहे. त्यावर अख्तर यांनी आपली भूमिका मांडली आहे. मात्र त्यामुळे त्यांना ट्रोलिंगला सामोरं जावं लागलं आहे.

अख्तर (javed akhtar ) यांनी महाराष्ट्र सरकार आणि बीएमसीच्या समर्थनार्थ एक व्टिट (Tweet) केले आहे. ते व्टिट ज्यावेळी व्हायरल झाले त्यानंतर अख्तर यांच्यावर टीका व्हायला सुरुवात झाली. संपूर्ण देश कोरोनाशी झुंजत असताना राज्य आणि केंद्र सरकारमध्येही अनेक गोष्टींवरुन वाद रंगत आहे. त्यावर बॉलीवूडमधील अनेक सेलिब्रेटींनी आपआपली भूमिका मांडली आहे. त्यात अख्तर यांचाही समावेश आहे. राज्याचे मुख्यमंत्री उध्दव ठाकरे यांनी राज्यात सर्वप्रथम लॉकडाऊनची घोषणा केली. त्यावर अख्तर यांनी मत व्यक्त केलं आहे.

अख्तर (javed akhtar ) म्हणाले, मला एक गोष्ट माहिती आहे ती म्हणजे इतरांना महाराष्ट्राकडून धडे घेण्याची गरज आहे. राज्य सरकार आणि मुंबई महापालिका ही कोरोनाशी जीव तोडून लढत आहे. यानंतर काही युझर्स नाराज झाले आणि त्यांनी अख्तर यांना ट्रोल करण्यास सुरुवात केली. एका युझर्सनं लिहिलं आहे की, सर सर्वात जास्त मृत्यप हे महाराष्ट्रातच झाले आहेत. तर दुस-यानं लिहिलं आहे की, तुम्ही यात देखील काही वेगळं शोधाल आणि त्याविषयी लिहालं. आम्ही काय शिकायचं यापासून. या शब्दांत त्या नेटक-यानं टीका केली आहे.