Jaya Bachchan: 'एवढा राग येतो तर घरातून बाहेर पडू नका'? नेटकऱ्यांनी जयाजींना सुनावलं

Jaya Bachchan News: दरवेळी चाहत्यांवर, नेटकऱ्यांवर आणि फोटोग्राफर्सला वाट्टेल तशा बोलणाऱ्या अभिनेत्री जया बच्चन यांना नेटकऱ्यांकडूनच ओरडा खावा लागला आहे. आपल्या परखड वक्तव्यासाठी नेहमीच चर्चेत असणाऱ्या जया बच्चन यांची ओळख तापट स्वभावाची सेलिब्रेटी अशी आहे. चाहत्यांनी फोटो काढण्याची इच्छा व्यक्त करताच त्या त्यांच्यावर चिडल्याचे दिसून आले आहे. काही दिवसांपूर्वी व्हायरल झालेल्या एका व्हिडिओमध्ये त्यांनी चाहत्यांना तुम्हाला लाज कशी वाटत नाही, असा प्रश्न विचारला होता. त्यावर आता नेटकऱ्यांनी जयाजींना सुनावले आहे.

भारतीय मनोरंजन विश्वातील मोठं नाव आणि राज्यसभेचे खासदार जया बच्चन या सोशल मीडियावरील प्रसिद्ध सेलिब्रेटी आहेत. ज्या त्यांच्या आक्रमकपणामुळे चर्चेत असतात. आपल्याला जे योग्य वाटेल ते तितक्याच परखडपणे मांडण्यात त्यांची भूमिका अग्रेसर असते. चित्रपटांतून प्रेक्षकांचे निखळ मनोरंजन करणाऱ्या जया बच्चन यांना आता नेटकऱ्यांनी चांगलेच ट्रोल करण्यास सुरुवात केली आहे. तुम्हाला जर एवढा राग येतो तर मग तुम्ही घरातच का बसत नाही, असा प्रश्न नेटकऱ्यांनी विचारला आहे. गेल्या काही दिवसांपासून जयाची या चाहत्यांवर चिडत असल्याचे दिसून आले आहे.

जयाजींनीच आपल्या तऱ्हेवाईक वागण्यातून नेटकऱ्यांना चर्चा करण्याची आयती संधी दिली आहे. त्याचं झालं असं की, जयाची या त्यांच्या नातीसोबत नव्या नवेली नंदाला घेऊन एका फॅशन वीकमध्ये गेल्या होत्या. तिथून बाहेर पडताना चाहत्यांनी त्यांना गराडा घातला. काहींना फोटो काढण्यास सुरुवात केली. यामुळे जयाची भडकल्या. त्यांचा तो अवतार पाहून नेटकऱ्यांनी जयाचींना सुनावले आहे.

जयाची तुम्हाला प्रत्येकवेळी नेटकरी, चाहते आणि पापाराझ्झींचा एवढा राग येत असेल तर मग तुम्ही घराच्या बाहेर कशाला पडता, तुमच्या प्रेमापोटी तुम्हाला पाहायला लोकं गर्दी करतात. मात्र तुम्ही खूपच रागावता. हे बरं नव्हे. अशा प्रकारच्या प्रतिक्रिया व्हायरल झाल्या आहेत.