Jui Gadkari: ठरलं तर मग! जुई गडकरी खऱ्या आयुष्यात या तारखेला करणार लग्न, केला खुलासा

Jui Gadkari News: जुई गडकरी ही मनोरंजन विश्वातील लोकप्रिय अभिनेत्री. जुई गडकरी सध्या ठरलं तर मग मालिकेत सायलीची भुमिका साकारतेय. ठरलं तर मग मालिका सध्या TRP च्या शिखरावर आहे.

अशातच ठरलं तर मग मालिकेतील सायली म्हणजेच अभिनेत्री जुई गडकरी खऱ्या आयुष्यात लग्न करणार असल्याच्या चर्चांना उधाण आलंय.

(jui gadkari revealed her wedding date)

या तारखेला जुई गडकरी करणार लग्न

ठरलं तर मग मधील अर्जुन - सायली म्हणजेतच अभिनेत्री जुई गडकरी आणि अभिनेता अमित भानुशाली या दोघांनी हंच मिडीया या वेबपोर्टलला मुलाखत दिली. त्यावेळी संवाद साधताना जुईने थेट तिच्या लग्नाची तारीख जाहीर केली.

जुईच्या गडकरी पुढच्या वर्षी म्हणजेच २०२४ ला लग्न करणार आहेत. जुई गडकरी ४ फेब्रुवारीला लग्न करणार असल्याचा खुलासा तिने केलाय.

जुई गडकरीने स्वतःहून लग्नाची तारीख जाहीर केल्याने तिच्या फॅन्सना सुखद धक्का बसलाय. जुईच्या म्हणण्याप्रमाणे तिचा यंदाचा व्हॅलेंटाईन डे चांगला होणार आणि आयुष्याला नवी सुरुवात करणार.

जुई गडकरी नेमकं कोणाशी लग्न करणार, तिचा होणारा नवरा काय करतो हे मात्र अद्याप गुलदस्त्यात आहे. जुईला लग्नानंतर नवऱ्याला आणि संसाराला वेळ द्यायचाय असं तिचं म्हणणं आहे. जुईच्या लग्नाची तिच्या फॅन्सना आतापासुनच उत्सुकता आहे.

जुई गडकरी ही मराठी मनोरंजन विश्वातील लोकप्रिय अभिनेत्री असुन तिने आजवर पुढचं पाऊल, वर्तुळ अशा मराठी मालिकांमध्ये अभिनय केलाय. याशिवाय जुई बिग बॉस मराठीच्या दुसऱ्या सीझनमध्ये सहभागी होती.

सध्या जुईची ठरलं तर मग मालिका लोकप्रिय झाली आहे. जुई गडकरी मालिकेत साकारत असलेली सायलीची भुमिका प्रेक्षकांच्या पसंतीस उतरली आहे. या मालिकेमुळे जुईच्या फॅन फॉलोईंगमध्येही वाढ झाली आहे.