काजोलने 'सलाम वेंकी'च्या शूटिंगला केली सुरुवात

काजोलने (Kajol Devgan) तिच्या आगामी 'सलाम वेंकी' (Salaam Venky) या चित्रपटावर काम सुरू केले आहे. तिने लिहिले, "आज आम्ही एका कथेचा प्रवास सुरू करत आहोत जी सांगायची होती, एक मार्ग जो स्वीकारावा लागला आणि जीवन साजरे करावे लागले. ही अविश्वसनीय सत्य कथा शेअर करण्यासाठी आम्ही प्रतीक्षा करू शकत नाही.''

चित्रपटाचे पहिले शेड्यूल सुरू झाल्याचे काजोलने Instagram जाहीर केले. तिने रेवती (Revati) आणि बाकीच्या टीमसोबतचा एक फोटोही शेअर केला आहे. सलाम वेंकीच्या कथेत एका आईच्या संघर्षावर प्रकाश टाकण्यात आला आहे जिला कठीण परिस्थितीतून सामोरे जावे लागले. कथा वास्तविक जीवनातील घटनांवर आधारित आहे.

याआधी या चित्रपटाचे नाव 'द लास्ट हुर्राह' असे होते. या चित्रपटाची घोषणा करताना जारी करण्यात आलेल्या निवेदनात रेवती म्हणाली, "द लास्ट हुर्राह' मधला सुजाताचा प्रवास माझ्या हृदयाच्या अत्यंत जवळचा आहे. तो केवळ संबंधितच नाही तर प्रेरणादायीही आहे. जेव्हा सुरज, श्रद्धा आणि मी या चित्रपटावर चर्चा करत होतो, काजोल ही पहिली व्यक्ती होती जी आमच्या मनात आली."

सलाम वेंकी ची निर्मिती सुरज सिंह (Suraj Singh), श्रद्धा अग्रवाल (Shraddha Agarwal) आणि वर्षा कुकरेजा (Varsha Kukreja) यांनी ब्लिव्ह प्रोडक्शन्स आणि टेक 23 स्टुडिओज अंतर्गत केली आहे.