Kalidas Jayaram Engagement: साऊथ सिनेसृष्टीतील पॉवर कपल जयराम आणि पार्वती जयराम यांचा मुलगा अभिनेता कालिदास जयराम याने त्याची गर्लफ्रेंड तारिणी कलिंगरायर हिच्याशी गुपचूप साखरपूडा केला आहे.
'विक्रम', 'हॅपी सरदार' आणि 'पूमाराम' सारख्या चित्रपटात काम केलेल्या कालिदासने त्याची प्रेमिका तारिणीसोबत गुपचूप एंगेजमेंट केली आहे . त्याने 11 नोव्हेंबर 2023 रोजी सोशल मिडियावर फोटो शेयर करत चाहत्यांना ही बातमी दिली आहे.
या फोटोत एकमेकांचा हात धरुन कालिदास आणि तारिणी यांनी पोज दिली आहे. तर दुसऱ्या फोटोत हे कपल एकमेकांच्या प्रेमात पूर्णपणे बुडलेले दिसत आहेत. या खास दिवशी तारिणी आणि कालिदासने पीच रंगाचा ड्रेस घातला होता. तारिणीने लेहेंगा तर कालिदासने पारंपारिक लूक केला होता. हे फोटो सोशल मिडियावर शेयर करत कालिदासने कॅप्शनमध्ये लिहिले की, "आम्ही एंगेज झालो."
सध्या दोघांचे फोटो सोशल मिडियावर व्हायरल होत आहे. नेटकरी त्यांचे अभिनंदन करत आहेत.
कालिदासच्या होणाऱ्या पत्नीबद्दल बोलायचं झालं तर तारिणी एक मॉडेल आहे. २०२१ मध्ये ती मिस युनिव्हर्स इंडियाची तिसरी उपविजेती ठरली होती. चेन्नईची राहणारी तारिणी अनेक फॅशन इव्हेंटमध्येही दिसते. तारिणी आणि कालिदास बऱ्याच दिवसांपासून एकमेकांना डेट करत होते.
तर कालिदासच्या वर्कफ्रंटबद्दल बोलायचं झालं तर त्याने बालकलाकार म्हणून आपल्या कारकिर्दीला सुरुवात केली होती. आता कालिदास कमल हासनसोबत 'डी50' आणि 'इंडियन 2'मध्ये दिसणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
