पंगा क्वीन कंगना नेहमीच तिच्या वक्तव्यांमुळे चर्चेत असते. आता कंगनाचा नुकताच एक व्हिडिओ सोशल मीडियावर मोठ्या प्रमाणात व्हायरल होत आहे, ज्यामध्ये कंगना चंकी पांडेची मुलगी अनन्या पांडेची खिल्ली उडवताना दिसत आहे. या व्हिडिओमध्ये कंगना कपिल शर्माच्या शोमध्ये पोहोचली, अनन्या पांडेची नक्कल करत तिला बॉलिवूड बिम्बो म्हणाली.
या क्लिपमध्ये होस्ट कपिल शर्माने कंगनाला 'बॉली बिंबो'चा अर्थ विचारला. याला उत्तर देताना ती अनन्याचे नाव न घेता तिची खिल्ली उडवताना दिसली. काही भागांपूर्वी, अनन्याने उघड केले होते की ती तिच्या नाकाच्या टोकाला तिच्या जिभेने स्पर्श करू शकते आणि त्याला 'तिच्या प्रतिभांपैकी एक' म्हटले आहे. अनन्याची खिल्ली उडवत कंगनाने कपिलला सांगितले की, 'जे अशा प्रकारचे कृत्य करू शकतात ते बॉलिवूड बिम्बो आहेत.'
अनन्याप्रमाणेच अभिनेत्रीने नाकाच्या टोकाला जिभेने स्पर्श करून तिची नक्कल करण्याचाही प्रयत्न केला. एका सोशल मीडिया वापरकर्त्याने दोन्ही व्हिडिओ एकत्र केले आणि ते इन्स्टाग्रामवर शेअर केले. "केवळ कंगना हे करू शकते" असे कॅप्शन लिहिले आहे.
वर्क फ्रंटबद्दल बोलायचे झाले तर कंगनाने नुकतेच 'इमर्जन्सी' चित्रपटाचे शूटिंग पूर्ण केले आहे. या चित्रपटात ती माजी पंतप्रधान इंदिरा गांधी यांची भूमिका साकारत आहे. यासोबतच कंगना या चित्रपटाचे दिग्दर्शनही करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
