Tujhe Yaad Na Meri Aayee 2.0 : करण जोहर हा नेहमी चर्चेत असतो. बॉलिवूडच्या बड्या चित्रपट दिग्दर्शक आणि निर्मात्यांमध्ये त्याचे नाव आघाडीवर असते. रॉकी और रानी की प्रेमकहानी या चित्रपटातुन त्याने पुन्हा बॉक्स ऑफिसवर एंट्री मारली.
1998 मध्ये रिलीज झालेल्या 'कुछ कुछ होता है' या चित्रपटातून करणने दिग्दर्शक म्हणून करिअरची सुरुवात केली, त्यानंतर त्यांने अनेक उत्कृष्ट आणि सुपरहिट चित्रपटांची निर्मिती केली. 'कुछ कुछ होता है' या चित्रपटाने बॉक्स ऑफिसवर कमालच केली.
हा एक एव्हरग्रीन सिनेमा ठरला. आजही प्रेक्षक हा चित्रपटाला आवर्जून पाहतात. 16 ऑक्टोबर रोजी करण जोहरच्या या रोमँटिक-ड्रामा चित्रपटाला 25 वर्षे पूर्ण होणार आहेत. त्याचबरोबर करणच्या दिग्दर्शकाच्या प्रवासाला 25 वर्षे पूर्ण होणार आहेत. त्यामुळे करणने या निमित्त चाहत्यांना एक गिफ्ट द्यायचं ठरवलं आहे.
'कुछ कुछ होता है' चित्रपटातील 'तुझे याद ना मेरी आयी' हे आयकॉनिक गाणे आजही तितिकेच लोकप्रिय आहे. उदित नारायण, अलका याज्ञिक आणि मनप्रीत अख्तर यांनी गायलेलं हे गाण पुन्हा एकदा चाहत्यांच्या भेटीला येणार आहे. 'तुझे याद ना मेरी आई'ची 2.0 हा रिमेक लवकरच प्रदर्शित करण्यात येणार आहे.
'कुछ कुछ होता है' या चित्रपटाबाबत बोलायचं झालं तर या पहिल्याच चित्रपटातुन करण जोहर इंडस्ट्रीत वेगळी ओळख निर्माण केली होती. 'टीना, राहुल आणि अंजली'चा लव्ह ट्रँगल प्रेक्षकांना खुपच आवडला होता. तर 'तुझे याद ना मेरी आयी' हे गाणं आजही ब्रेकअप साँग म्हणुन लोकप्रिय आहे.
आता या गाण्याचे नवीन व्हर्जन रिलिज होणार असल्याने या गाण्याचे गायकही नवीन असणार आहे. मिळालेल्या माहीतीनुसार, बी प्राक हा गाण्याचे नवीन व्हर्जन गाणार आहे. सोनी म्युझिकने शेअर केलेल्या पोस्टमध्ये म्हटले आहे, 'थ्रोबॅक मंगळवार. 25 वर्षांनंतर, @bpraak आणि '@jaani777 सोबत #TujheYaadNaMeriAayee च्या आठवणी. लवकरच येत आहे.'
आता ही बातमी समोर येताच नेटकरींच्या संमिश्र प्रतिक्रिया या गाण्याला मिळत आहे. एकीकडे बी प्राकच्या आवाजातील 'कुछ कुछ होता है' हे गाणे ऐकण्यासाठी चाहते उत्सुक आहेत तर दुसरीकडे काहींनी करण जोहरवरच टीका करण्यास सुरुवात केली आहे.
करणला ट्रोल करत नेटकऱ्यांनी त्याला जुने गाणे खराब न करण्याचा सल्ला दिला आहे. आता हे गाणे प्रेक्षकांच्या पसंती पडते की नाही हे तर रिलिज झाल्यानंतरच कळेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.