"निशाच्या वागण्यामुळे यायचे आत्महत्येचे विचार"

'ये रिश्ता क्या कहलाता है' Yeh Rishta Kya Kehlata Hai फेम अभिनेता करण मेहराने Karan Mehra पत्नी निशा रावलविरोधात Nisha Rawal शारीरिक शोषणाचे आरोप केले आहेत. "आमचं नातं इतकं ताणलं गेलं होतं की मला आत्महत्येचे विचार येऊ लागले होते", असं धक्कादायक विधान करणने केलं. अभिनेत्री निशा रावलने करणविरोधात कौटुंबिक हिंसाचाराची तक्रार दाखल केली होती. त्यानंतर करणला सोमवारी अटक झाली. जामिनावर सुटल्यानंतर करणने निशावर प्रत्यारोप केले आहेत. (Karan Mehra accuses Nisha Rawal of physical abuse said I became suicidal)

एका वृत्तपत्राला दिलेल्या मुलाखतीत करण म्हणाला, "निशाचा स्वभाव नेहमीच आक्रमक होता आणि सुरुवातीला तिने माझं शारीरिक शोषणसुद्धा केलं. तिला राग आला तर ती हात-पाय मारू लागते. आपण काय करतोय हे तिला कळत नाही. वस्तू उचलून फेकत असते. वेळेनुसार तिच्या स्वभावात बदल होईल असं मला वाटलं होतं. मध्यंतरीच्या काळात तिच्यात थोडा बदल झाला होता, मात्र पुन्हा ती तसंच वागू लागली. गेल्या चार-पाच वर्षांपासून आमच्यातील गोष्टी फार वाईट झाल्या आहेत आणि मला अक्षरश: आत्महत्येचे विचार येत होते."

२०१२ मध्ये करण आणि निशाने लग्न केलं. गेल्या चौदा वर्षांपासून हे दोघं एकमेकांना ओळखतात आणि त्यांना चार वर्षांचा कविश हा मुलगा आहे. ३१ मे रोजी करणला अटक झाल्यानंतर या दोघांमधील वाद माध्यमांसमोर आले. करण-निशाने घटस्फोटासाठी अर्ज केल्याचंही समजतंय.