'बाहुबली' फेम प्रभास (Prabhas)सध्या आपल्या टॉलीवूड सिनेमाच्या शूटिंगमध्ये बिझी आहे. सध्या तो 'सलार' आणि 'प्रोजेक्ट K' सिनेमाची तयारी देखील करत आहे. यादरम्यानच आता त्याच्या आणखी एका नव्या सिनेमाची अपडेट समोर आली आहे. सर्वात महत्त्वाची गोष्ट ही आहे की प्रभास आता बॉलीवूडची मोठी अभिनेत्री करिना कपूर(Kareena Kapoor) सोबत दिसणार आहे,ज्यामुळे चाहत्यांना देखील सुखद धक्का बसला आहे. बोललं जात आहे की करीना कपूर साउथ सुपरस्टार प्रभाससोबत तेलुगु इंडस्ट्रीत पदार्पण देखील करण्याची शक्यता आहे. चला,त्या बिग बजेट सिनेमाविषयी जाणून घेऊया.(Kareena Kapoor Khan’s pair with Prabhas, master plan of the director of ‘Kabir Singh’)
'कबीर सिंग' फेम दिग्दर्शक गेल्या काही दिवसांत आपल्या 'अॅनिमल' सिनेमाच्या शूटिंगमध्ये व्यस्त आहे. सोबतच तो प्रभाससोबत 'स्प्रिट' हा एक मोठा सिनेमा घेऊन आपल्या भेटीस येण्याच्या तयारीत देखील आहे. या सिनेमाविषयी चर्चा आहे की प्रभास सोबत या सिनेमात करिना कपूरची एन्ट्री होण्याची शक्यता आहे. असं पहिल्यांदाच होणार आहे जिथे प्रभास आणि करीना एकत्र स्क्रीन शेअर करताना दिसतील. सध्या बातम्यांवर अधिकृतरित्या काही बोललं गेलेलं नाही.
सध्या प्रभास हैदराबादमध्ये आपला आगामी सिनेमा 'प्रोजेक्ट के' च्या शूटिंगमध्ये व्यस्त आहे. या सिनेमात दीपिका पदूकोण आणि प्रभासची जोडी आपल्याला पहायला मिळेल. यामध्ये अमिताभ बच्चन देखील आहेत. तर करिना कपूरच्या सिनेमांविषयी बोलायचं झालं तर आपल्या दुसऱ्या मुलाच्या जन्मानंतर आता ती पुन्हा कामावर परतलीय.
करिना कपूरनं ब्रेकनंतर ओटीटी प्लॅटफॉर्मवर पदार्पण केलं आहे. ती 'डिव्होशन ऑफ सस्पेक्ट' या सिरीजमध्ये काम करतेय. तिच्यासोबत या सिरीजमध्ये जयदीप अहलावत आणि विजय वर्मा अशी स्टारकास्ट आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
