सबस्क्राईब करा
मुंबई- करिना कपूर आणि सैफ अली खान लॉकडाऊनमध्ये घरातंच एकमेकांसोबत वेळ घालवत आहेत. अनलॉकनंतर दोघांनीही घरातंच अनेक नवीन प्रोजेक्ट शूट केले आहेत. याचदरम्यान करिना कपूर खानने तिच्या सोशल साईटवर एक व्हिडिओ पोस्ट केला आहे. यामध्ये दोघंही घरातंच शूटींग करताना दिसत आहेत.
करिनाने शेअर केलेल्या या व्हिडिओमध्ये सैफ अली खान सोफ्यावर बसलेला दिसतोय. त्याच्या हातात काही स्नॅक्स असलेला एक बाऊल आहे. समोर सैफला शूट करताना कॅमेरामन दिसतोय.आणि बाजुलाच करिना बसली आहे जी हा व्हिडिओ शूट करताना पाऊट करत आहे. करिनाने तिचा हा व्हिडिओ तिच्या इंस्टाग्राम स्टोरीमध्ये पोस्ट केला आहे. हा व्हिडिओ शेअर करताना करिनाने लिहिलं, 'जेव्हा कधी गोंधळ वाटत असेल तेव्हा पाऊट बनवा. पतीसोबत पुन्हा एकदा घरातंच शूटींग.'
करिना लवकरंच आई होणार आहे त्यामुळे सध्या करिना, सैफ आणि त्यांचा मुलगा सोशल मिडियावर चांगलेच चर्चेत आहेत. करिनाच्या प्रत्येक पोस्टवर चाहत्यांचं लक्ष असून त्यावर प्रतिसाद देताना दिसून येतायेत. काही दिवसांपूर्वीच करिनाने एका प्रसिद्ध मासिकासाठी फोटोशूट केलं होतं. या फोटोशूटच्या ड्रेसिंगमध्ये करिनाने सैफचे शर्ट्स वापरले होते. विशेष म्हणजे करिनाचे हे सगळे फोटो पती सैफ अली खाननेच काढले होते. यामध्ये करिनाचा ग्लॅमरस अंदाज पाहायला मिळाला होता.
सिनेमांच्याबाबतीत सांगायचं झालं तर करिना 'लाल सिंह चढ्ढा' या सिनेमात दिसून येणार आहे. यामध्ये ती आमीर खानसोबत झळकणार आहे. आमीरने काही दिवसांपूर्वीच तुर्कीमध्ये जाऊन या सिनेमाच्या शूटींगला पुन्हा एकदा सुरुवात केली आहे. हा सिनेमा २०२१ मधील नाताळच्या दरम्यान रिलीज होणार आहे.
kareena kapoor shares behind the scenes video shoot with saif ali khan at home
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.