Kartik Aaryan: अभिनेता कार्तिक आर्यन (Kartik Aaryan) हा त्याच्या चित्रपटांमुळे चर्चेत असतो. कार्तिकला विविध गाड्यांची देखील आवड आहे. कार्तिकनं लग्झरी गाड्यांचे कलेक्शन केले आहे. आता त्याच्या गाड्यांच्या कलेक्शनमध्ये आणखी एका आलिशान गाडीचा समावेश झाला आहे. त्यानं नुकतीच एक आलिशान गाडी खरेदी केली आहे. कार्तिकनं त्याच्या ड्रीम कारचा फोटो सोशल मीडियावर शेअर केला आहे.
कार्तिकनं एक आलिशान कार खरेदी केली आहे. त्यानं Range Rover SV ही गाडी खरेदी केली आहे. कार्तिकनं गुरुवारी त्याच्या या नव्या गाडीचा फोटो सोशल मीडियावर शेअर केला आहे. यामध्ये कार्तिकसोबत 'कटोरी' हा त्याचा पेट दिसला. कार्तिकनं त्याच्या नव्या कारचा फोटो शेअर करुन कॅप्शनमध्ये लिहिलं, "हमारी रेंज थोड़ी सी बढ़ गई है।" कार्तिकनं शेअर केलेल्या या फोटोवर नेटकऱ्यांनी लाइक्स आणि कमेंट्सचा वर्षाव केला.
कार्तिकनं खरेदी केलेल्या कारची किंमत सहा कोटी आहे. कार्तिककडे अनेक लग्झरी गाड्यांचे कलेक्शन आहे. त्याच्याकडे BMW 5 Series 520d, McLaren GT, Mini Cooper S, Lamborghini Urus Capsule आणि Porsche 718 Boxster यासह अनेक आलिशान कार आहेत.
कार्तिकचा भूल भुलैया 3 हा चित्रपट लवकरच प्रेक्षकांच्या भेटीला येणार आहे. या सिनेमाचं कध्या शुटिंग सुरु आहेत. भूल भुलैया 3 या चित्रपटामध्ये तृप्ती दिमरी देखील काम करणार आहे. हा चित्रपट यावर्षी दिवळीत रिलीज होणार आहे, असं म्हटलं जात आहे. याशिवाय कार्तिक लवकरच चंदू चॅम्पियन या चित्रपटामध्ये देखील दिसणार आहे. तसेच तो आशिकी-3 या चित्रपटात देखील काम करणार आहे, असं म्हटलं जात आहे.
कार्तिकच्या भूल भुलैया-2 या चित्रपटाला प्रेक्षकांची पसंती मिळाली. या सिनेमानं बॉक्स ऑफिसवर रेकॉर्ड ब्रेक कमाई केली. या सिनेमात कार्तिकसोबतच कियारा अडवाणी, तब्बू आणि राजपाल यादव यांनी देखील काम केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
