Kate Winslet Update: टायटॅनिकच्या 'रोझ'च्या प्रकृतीत सुधारणा!

Kate Winslet News: टायटॅनिकमधील रोझच्या भूमिकेनं जगभरातील चाहत्यांच्या हदयात स्थान मिळवलेली अभिनेत्री केंट विन्स्लेट सध्या चर्चेत आली आहे. (Social Media Viral News) क्रोएशियामध्ये एका चित्रपटाची शुटींग करत असताना तिला अपघात झाला होता. त्यानंतर तातडीन तिला रुग्णालयात दाखल करण्यात आले होते. केटला झालेल्या दुखापतीनंतर चाहत्यांनी काळजी व्यक्त केली होती. गेल्या तीन दशकांहून अधिक काळ वेगवेगळ्या प्रकारच्या भूमिका साकारुन केटनं आपल्या नावाची वेगळी छाप उमटवली आहे.

सुत्रांनी दिलेल्या माहितीनुसार केटच्या प्रकृतीमध्ये सुधारणा होत असल्याचे सांगण्यात आले आहे. यापूर्वी देखील एका चित्रपटाच्या शुटींगमध्ये केटला अपघात झाला होता. त्यातून ती पूर्णपणे बरी झाली होती. यानंतर तिला पुन्हा दुखापत झाली आहे. चाहत्यांनी केटला शुभेच्छा दिल्या आहेत. तिनं लवकर बरं होऊन पुन्हा सेटवर परतावं यासाठी देवाकडे प्रार्थनाही केली आहे.

क्रोएशियामध्ये केट ही एका चित्रपटाचे शुटींग करत होती. त्यावेळी तिच्या पायाला दुखापत झाली होती. त्यानंतर तिला तातडीनं रुग्णालयात दाखल करण्यात आले होते. केट ही ली नावाच्या सीरिजसाठी शुटींग करत आहे. हा चित्रपट प्रसिद्ध वॉर फोटोग्राफर ली मिलर यांच्यावर आधारित आहे. त्यांनी दुसऱ्या महायुद्धात केलेल्या कामाचे कौतूक झाले होते.