Kiccha Sudeep Threatening Letter : अभिनेता आणि कन्नड सुपस्टार किच्चा सुदीप (Kiccha Sudeep) आज भाजपमध्ये प्रवेश करणार असल्याच्या चर्चाना उधाण आलेले असतानाच एक मोठी बातमी समोर आली आहे.
किच्चा सुदीपला एक धमकीचं पत्र मिळालं आहे. सुदीपचा मॅनेजर जॅक मंजूला सोशल मीडियावर अभिनेत्याचा एक खाजगी व्हिडीओ शेअर करण्याचं धमकीचं पत्र मिळालं आहे. या प्रकरणी सध्यी पोलिस तपास करत असून, या धमकी प्रकरणाने मोठी खळबळ उडवली आहे. (Kiccha Sudeep receives threat letters; Kannada actor likely to join BJP today)
सध्या कर्नाटक विधानसभा निवडणुकीचे (Karnataka Assembly Election) बिगुल वाजलेले आहे. यामध्ये भापजही शड्डू ठोकून उतरला आहे. कर्नाटकात याधीही भाजपची सत्ता होती. त्यामुळे यंदाही भाजप कर्नाटक आपल्याकडे राखण्यासाठी प्रयत्न करत आहे. अशातच भाजपमध्ये आज अभिनेता सुदीप प्रवेश करणार असल्याची चर्चा झाली.
पण त्या आधीच एक मोठी गडबड झाली. सुदीपला धमकीचं पत्र मिळालं आहे. सुदीपचा मॅनेजर जॅक मंजूला सोशल मीडियावर अभिनेत्याचा एक खाजगी व्हिडीओ शेअर करण्याचं हे धमकीचं पत्र मिळालं आहे. त्यानंतर बेंगळुरूतील पीएस पुट्टेनाहल्ली येथील पोलिसांनी कलम 120 (ब), 506 आणि आयपीसी कलम 504 अंतर्गत गुन्हा नोंदवला आहे. सध्या याप्रकरणी पोलीसांचा तपास सुरू आहे.
किच्चा सुदीपला धमकीचं पत्र नक्की कोणी दिलं आणि खाजगी व्हिडीओ शेअर करायला कोणी सांगितला हे अद्याप समोर आलेलं नाही. या पत्रात किच्चा सुदीपच्या कुटुंबियांनादेखील अपशब्द वापरण्यात आले आहेत. भाजप प्रवेशादरम्यान सुदीपची प्रतिमा खराब करण्यासाठी त्याला हे पत्र पाठवण्यात आल्याची चर्चा आहे.
सुदीप भाजपमध्ये प्रवेश करणार का याबाबत त्याने कोणतेही स्पष्टीकरण दिलेले नाही. कर्नाटक विधानसभा निवडणुकीसाठी किच्चा सुदीप भाजपचा प्रचार करणार असल्याचे म्हटले जात आहे. तर काहींनी तो निवडणूक लढवणार असल्याचाही अंदाज बांधला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
