Kim Sharma : किम-लिएंडरचं ब्रेक अप? 'त्या' लग्नात गेल्यावर भलत्याच चर्चेला उधाण!

Kim Sharma-Leander Paes Break Up : मोहब्बते चित्रपटातून प्रेक्षकांचे लक्ष वेधून घेणाऱ्या किम शर्माच्या सौंदर्याची जादू अद्यापही प्रेक्षकांच्या मनात आहे. किम ही नेहमीच तिच्या हटके फॅशनसाठी ओळखली जाणारी सेलिब्रेटी आहे. तिनं काही दिवसांपूर्वी आपण लिएंडर पेससोबत रिलेशनशिपमध्ये असल्याचे सांगितले होते. आता मात्र त्याबाबत एक मोठी बातमी समोर आली आहे.

किम ही तिच्या चित्रपटांपेक्षा तिच्या पर्सनल लाईफवरुन जास्त चर्चेत असल्याचे दिसून आले आहे. भारतीय टेनिस स्टार लिएंडर पेस सोबत तिचे काही फोटो व्हायरल झाले होते. त्यावरुन तिला नेटकऱ्यांनी वेगवेगळे प्रश्न विचारले होते. त्यांच्या रिलेशनशिपवरुन चाहत्यांनी तिच्यावर कौतूकाचा वर्षाव केला होता. मात्र आता त्यामध्ये वाद निर्माण झाल्याच्या बातम्या व्हायरल झाल्या आहेत. त्यामुळे चाहत्यांना मोठा धक्का बसला आहे.

Also Read - शॉर्ट सेलर्स म्हणजे नक्की कोण?

पेस आणि किम शर्मा त्यांच्या ब्रेक अपच्या बातमीमुळे चर्चेत आल्या आहेत. इ टाईम्सनं दिलेल्या माहितीनुसार, या दोन्ही सेलिब्रेटींच्या आयुष्यात वादळ तयार केले आहे. खरं तर २८ मार्चला किम आणि पेस यांच्या रिलेशनशिपच्या दुसऱ्या अॅनिव्हर्सरीचे फोटो सोशल मीडियावर व्हायरल झाले होते. तर पेसनं देखील त्याबद्दल एक रोमँटिक पोस्ट शेयर केली होती. त्यानंतर आता व्हायरल झालेल्या त्या बातमीनं लक्ष वेधून घेतले आहे.

प्रसिद्ध झालेल्या त्या बातमीमध्ये असे म्हटले गेले आहे की, किम शर्मा ही अलाना पांडेच्या लग्नामध्ये एकटीच गेली होती. तिच्यासोबत पेस नव्हता. त्यानंतर त्यांच्या रिलेशनबाबत वेगवेगळ्या पोस्ट शेयर होताना दिसत आहे. त्यावरुन त्यांना नेटकऱ्यांनी भन्नाट प्रतिक्रियाही दिल्या आहेत.