Kiran Mane: आजपर्यंत कुठल्याही पुरस्कार सोहळ्यात मी.. किरण माने पहिल्यांदाच करणार 'ही' गोष्ट..

Kiran Mane: यंदाच्या बिग बॉसच्या चौथ्या पर्वात किरण माने सहभागी झाले होते. वयाच्या ५२ व्या वर्षी साताऱ्यातल्या बच्चन किरण मानेंनी जबरदस्त खेळ खेळून बिग बॉस मराठी ४ मध्ये टॉप ३ पर्यंत मजल मारली. प्रेक्षकांच्या मनात त्यांनी वेगळंच स्थान निर्माण केलं.

त्यामुळे गेली काही दिवस किरण माने बरेच चर्चेत आहेत, सुरवातीला वादग्रस्त विधानांमुळे चर्चेत असणारे किरण माने आता मात्र त्यांची प्रतिमा पूर्ण बदलली आहे. मुंबईत सह ग्रामीण भागात त्यांची प्रचंड हवा आहे.

किरण माने सोशल मीडियावर प्रचंड सक्रिय असतात. सातत्याने ते काहीना काही पोस्ट करत असतात. आज त्यांनी कलर्स मराठी अवॉर्ड बाबत एक पोस्ट शेयर केली आहे.

(Kiran Mane shared post about colors marathi award with sumeet raghvan)

किरण माने सध्या कलर्स मराठी वरील एक महत्वाचा चेहरा झाले आहेत. त्यामुळे बिग बॉस नंतर आता ते कलर्स मराठी अवॉर्ड मध्येही झळकले. या सोहळ्यातही त्यांचा सातारी बाणा त्यांनी दाखवून दिला.

पण एरव्ही खोचक टीका करणारे माने यंदा मात्र, चक्क कॉमेडी करताना दिसले. त्यांचा हा बाज सगळ्यांनाच आवडून गेला. यावेळी सुमीत राघवन देखील किरण माने यांच्यासोबत होता. सुमित म्हणाला, हल्ली किरणची इतकी हवा आहे.. की 'धनंजय माने इथेच राहतात का? ' हा फेमस डायलॉग आता 'किरण माने इथेच राहतात का ? 'असा झाला आहे. यावेळी किरणने विनोद करून सर्वांना हसवले, तोच अनुभव त्याने शेयर केला आहे.

किरण माने यांनी पोस्ट शेयर करत लिहिले आहे की, ''ओ माने, यावेळी कलर्स मराठी ॲवाॅर्डस् मध्ये एक फनी गॅग कराल का? सुमीत राघवन आहे सोबत..." कलर्समधनं आमचा जिगरी दोस्त आनि भारी माणूस प्रथमेश देसाईचा फोन आला... लग्ग्गेच होकार दिला.''

''आजपर्यन्त डान्स लै वेळा केला होता...पण कुठल्याही मोठ्या ॲवाॅर्ड फंक्शनमध्ये मी कधीच स्कीट किंवा कुठलं विनोदी सादरीकरण केलं नव्हतं. करायची इच्छा होती. त्यात माझा आवडता अभिनेता सुमीत सोबत होता... आशिष पाथरे तर लै पूर्वीपासूनचा फेवरेट. म्हन्लं हून जाऊ दे ! लै मज्जा आली. बघा...''