Koffee With Karan 7: सध्या बॉलीवुड विश्वातील अनेक गुपितं, अनेक किस्से बाहेर येत आहेत आणि त्याचं कारण आहे नुकताच सुरू झालेला 'कॉफी विथ करण' शो. नुकताच या शोचा सातवा सीजन 'कॉफी विथ करण 7' सुरू झाला आहे. निर्माता-दिग्दर्शक करण जोहरने (Karan Johar) सुरू केलेला हा शो कायमच चर्चेत राहीला आहे. यंदाच्या पर्वातही अनेक बॉलीवुड कलाकारांची पोळखोल होणार आहे. नुकतीच या शो मध्ये अभिनेता शाहरुख खान याची पत्नी गौरी खान हिने हजेरी लावली. यावेळी तिने मुलाच्या अटकेवर म्हणजेच आर्यन खानच्या ड्रग्ज प्रकरणावर भाष्य केल्याची माहिती समोर आली आहे.
(Koffee with Karan: Gauri Khan finally BREAKS SILENCE on Aryan Khan case)
करण जोहर होस्ट करत असलेल्या कॉफी विथ करणचा 7वा सीझन (Koffee With Karan 7) या शोमध्ये आतापर्यंत अनेक बॉलिवूड कलाकार सहभागी झाले आहे. नुकताच रणवीर सिंग आणि आलियाने आपल्या वैयक्तिक आयुषयाविषयी खुलासा केला. तर सारा आली खानही या मंचावर आली होती. आता आगामी भागात बॉलिवूड अभिनेता शाहरुख खानची (Shah Rukh Khan) पत्नी गौरी (Gauri Khan) अनेक खुलासे करणार आहे. एका माध्यमाने दिलेल्या माहितीनुसार गौरी खान पहिल्यांदाच आपल्या मुळविषयी म्हणजेच आर्यन खानच्या (aryan khan) ड्रग्ज प्रकरणावर उघडपणे बोलताना दिसणार आहे.
आर्यन खानला गेल्या वर्षी 2 ऑक्टोबर रोजी क्रुझवर ड्रग्ज नेल्याप्रकरणी (एनसीबी) पोलिसांनी ताब्यात घेतले होते. त्यानंतर त्याला 28 दिवस तुरुंगात ठेवण्यात आले. दरम्यान त्याची चौकशी झाल. त्यानंतर आर्यनची या प्रकरणातून निर्दोष मुक्तता करण्यात आली आहे. तसेच, नुकतेच न्यायालयाने त्याचा पासपोर्टही परत करण्याचेही आदेश एनसीबीला दिले आहेत. परंतु आतापर्यंत या प्रकरणावर शाहरुख खान किंवा गौरी या दोघांनीही मौन बाळगले होते. पण कॉफी विथ कारण मध्ये मात्र गौरी पहिल्यांदाच याबाबत बोलली असल्याची चर्चा आहे. करण गौरीला आपली मोठी बहीण मानतो. त्यामुळे या शोमध्ये ती मन मोकळं करेल असे दिसते आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.