'ही तर हॅंगर दिसते', परमसुंदरी कृती सनन बॉडी शेमिंगची शिकार

बॉलीवूड अभिनेत्री कृती सननचं(Kriti Sanon) नाव सध्या सिनेइंडस्ट्रीत जरा जास्तच चर्चेत आहे. कृती एक चांगली अभिनेत्री असण्यासोबतच तिच्या फिटनेसचे देखील गोडवे गायले जातात. कृती सननचे नेहमीच जीम जातानाचे व्हिडीओ देखील व्हायरल होताना दिसतात. पण काही दिवसांपूर्वी तिचा एक्सरसाइज करतानाचा व्हिडीओ व्हायरल झाला आणि तिला चक्क आपल्या फिगरमुळे ट्रोलिंगचा सामना करावा लागला.(Kriti Sanon Gets Body-Shamed, Netizens Make Fun Of Her)

कृति सननने काही दिवसांपूर्वी सोशल मीडियावर आपला एक व्हिडीओ पोस्ट केला आहे. त्या व्हिडीओत ती बॅक स्ट्रेच करताना दिसत आहे. या व्हिडीओला पाहून अनेकांनी तिचं कौतूक केलं आहे,मात्र काही लोकांनी मात्र तिला तिच्या फिगरवरनं ट्रोल केल्याचं दिसून आलं आहे. काही नेटकऱ्यांनी कृतिला चक्क 'सपाट' म्हटलं आहे. तर कुणी ,'ही तर हॅंगर दिसते', असं खोचकपणे म्हटलं आहे.

कृती सननने हा व्हिडीओ पोस्ट केल्यानंतर बॉडी शेमिंगची(Body Shaming) शिकार झाली आहे. आता कृति काही पहिली अभिनेत्री नाही जिला बॉडी शेमिंगवरनं ट्रोल(Trolled) केलं गेलंय. इथे गरोदर अभिनेत्रींना देखील बॉडी शेमिंग वरनं हिणवलं गेलं आहे. कृतिनं बॉडी शेमिंगच्या ट्रोलिंगवर पलटवार करताना म्हटलं आहे,''मला जे जन्मतः मिळालं आहे त्याबाबतीत मी काहीच करू शकत नाही. खूप छोट्या-छोट्या गोष्टी असतात ज्या स्पष्ट बोलल्या जाऊ शकत नाहीत. मला असं वाटतं की या अशा ट्रोलिंगला अनेकांना सामोरं जावं लागतं. कोणीतरी मला सांगितलं होतं की,आता या बॉडी शेमिंग सारख्या गोष्टींचं दडपण राहिलं नाही.पण मला वाटतं की इन्स्टाग्राम फिल्टरमुळे हे दडपण कमी नाही तर अधिक वाढलं आहे. प्रत्येकाला परफेक्ट नसताना देखील परफेक्ट दिसायचं असतं. मेहनत नको हवी असते''.

कृति सननच्या सिनेमांविषयी बोलायचं झालं तर तिनं आठ वर्षांपूर्वी सिनेइंडस्ट्रीत एन्ट्री केली. आज ती बॉलीवूडचं चर्चेतलं नाव आहे. तिच्या आगामी सिनेमांविषयी बोलायचं झालं तर 'आदिपुरुष','गणपत','शहजादा','भेड़िया' असे सिनेमे रांगेत आहेत.