krushna abhishek Latest News ‘द कपिल शर्मा शो’च्या सीझन ३ मध्ये कृष्णा अभिषेक दिसणार नाही याबद्दल वेगवेगळ्या चर्चा सुरू आहेत. कपिल शर्मा (Kapil Sharma) आणि कृष्णा अभिषेक (Krushna Abhishek) यांच्यात भांडण झाल्याचेही सांगितले जात आहे. मात्र, दोघांचा सोबत असलेला व्हिडिओ व्हायरल झाला. व्हिडिओत दोघेही मस्ती करताना दिसले. आता कृष्णाने शोबद्दल साधलेले मौन सोडले आहे. शोमध्ये परत येणार की नाही याबद्दल सांगितले आहे.
‘द कपिल शर्मा शो’च्या नवीन सीझनमध्ये न दिसण्यावर अभिनेता कृष्णा अभिषेकने उत्तर दिले आहे. ‘तू या शोला किती मिस करणार आहे. तुझ्यासोबत प्रेक्षकही तुला या शोमध्ये मिस करतील’ असा प्रश्न पत्रकारांनी कृष्णाला विचारला. उत्तरात कृष्णा म्हणाला, ‘अशा अफवा कोण पसरवत आहे हे मला माहीत नाही.’
‘कपिल आणि मी खूप चांगले मित्र आहोत. आज रात्री कपिल (Kapil Sharma) आणि मी एकत्र ऑस्ट्रेलियाला जाणार आहोत. मी त्याच्यावर प्रेम करतो आणि तो माझ्यावर प्रेम करतो. तो माझाही शो आहे. मी शोमध्ये परतणार आहे’, असेही कृष्णा अभिषेक (Krushna Abhishek) म्हणाला. काही दिवसांपूर्वी कृष्णा एका मुलाखतीत म्हणाला होता की, ‘द कपिल शर्मा शो’ मी करीत नाही आहे. शोच्या कराराचे कारण आहे.
अलीकडेच कपिल शर्मा शो सीझन ३ च्या कलाकारांच्या नावाची घोषणा करण्यात आली. बुधवारी व्हिडिओ क्लिप शेअर करून नवीन कलाकार आणि त्यांच्या पात्रांची माहिती देण्यात आली. नेहमीप्रमाणे कप्पू शर्माच्या भूमिकेत कपिल शर्मा, त्याची पत्नी बिंदूच्या भूमिकेत सुमोना चक्रवर्ती, कप्पूचा मित्र चंदनच्या भूमिकेत चंदन प्रभाकर आणि किकू शारदा दिसणार आहे. नवीन कलाकार अभिनेत्री सृष्टी रोडे शोमध्ये कपिलच्या प्रेमाची आवड असलेल्या गझल शर्मची भूमिका साकारताना दिसणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
