Krutika Tulaskar: भाड्याचं घर ते स्वतःचं घर, रात्रीस खेळ चाले फेम शेवंता म्हणजेच अभिनेत्री कृतिकाने घेतलं नवीन घर

सध्या अनेक मराठी कलाकार स्वतःचं हक्काचं घर घेत आहेत. काही दिवसांपुर्वी प्राजक्ता माळीने स्वतःचं घर घेतलं. याशिवाय अभिनेत्री मीरा जोशी, ऋतुजा बागवे, सई ताम्हणकर अशा अभिनेत्रींनी स्वतःचं घर घेतलं.

अशातच आणखी एका अभिनेत्रीने स्वतःचं घर घेतलं. ही म्हणजे रात्रीस खेळ चाले 3 मध्ये शेवंताची भुमिका साकारणारी अभिनेत्री कृतिका तुळसकर.

कृतिकाने स्वतःचं घर घेतल्याची गुड न्यूज तिने चाहत्यांसोबत शेअर केलीय. कृतिकाने सोशल मिडीयावर गृहप्रवेशाचे फोटो पोस्ट करुन ही खास गोष्ट सर्वांना सांगितलीय.

कृतिकाने गृहप्रवेशाचे फोटो पोस्ट करुन कॅप्शन दिलंय की, "मुंबईत आल्यानंतर पेइंग गेस्ट ते भाड़याच घर ते स्वतःच घर यात खुप मोठा काळ होता . पुजेला बसल्यावर त्या सर्व प्रवासावर एक नजर फिरवली तेव्हा वाटलं ,बरंच.... काही शिकवणारा होता हा प्रवास. आता नवीन घर नवीन जबाबदारी आणि खुप आनंद."