मनोरंजन क्षेत्रातील प्रसिद्ध आणि दिग्गज गायक कुमार सानू यांचा आवाज सर्वांना आवडतो. आता त्यांच्यानंतर त्यांची मुलगी शॅननही बॉलिवूडमध्ये पाऊल ठेवणार आहे. ती लवकरच अभिनेत्री म्हणून पदार्पण करणार आहे. तिच्या 'चल जिंदगी' या डेब्यू चित्रपटाचे मोशन पोस्टर समोर आले आहे.
'चल जिंदगी' हा रोड ट्रिपवर आधारित चित्रपट असणार आहे, ज्याचे दिग्दर्शन विवेक शर्मा करत आहेत. या चित्रपटात शॅननसोबत टीव्ही अभिनेता विवेक दहिया दिसणार आहे. त्याचबरोबर संजय मिश्रा, विवान शर्मा आणि मीता वशिष्ठ हे देखील या चित्रपटाचा एक भाग आहेत. विवेकचा शॅननसोबतचा हा डेब्यू चित्रपट आहे. याआधी त्याने अनेक टीव्ही मालिकांमध्ये काम केले आहे.
मेकर्सनी 3 एप्रिल रोजी या चित्रपटाचे मोशन पोस्टर रिलीज केले आहे, जे शॅननने तिच्या इंस्टाग्रामवर शेअर केले आहे. हा चित्रपट रोड ट्रिपवर आधारित असल्याने त्याची झलक या मोशन पोस्टरमध्ये स्पष्टपणे दिसते. शॅनन, विवेक दहिया आणि इतर स्टार्स बाइकवरून रोड ट्रिपचा आनंद लुटताना दिसत आहेत.
शॅनन एक अभिनेत्री सोबतच गायिका देखील आहे. तर चल जिंदगीमध्ये तिने वडिलांसोबत दोन गाण्यांनाही आवाज दिला आहे. मात्र, हा चित्रपट कधी दिसणार, याबाबत अद्याप कोणतीही माहिती समोर आलेली नाही.
शॅनन आतापर्यंत लाइमलाइटपासून दूर आहे. मात्र, असे असूनही सोशल मीडियावर तिचे फॅन फॉलोअर्स आहे. इन्स्टाग्रामवर तिला ३.४ मिलियन म्हणजेच ३४ लाखांहून अधिक लोक फॉलो करतात. ती अनेकदा फोटो आणि व्हिडिओ पोस्ट करत असते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
