Lal Salaam teaser: सुपरस्टार रजनीकांत यांचे चाहते केवळ साऊथ पुरताच मर्यादित नाही तर जगभर पसरले आहेत. आता रजनीकांत यांनी आपल्या चाहत्यांना दिवाळीचे गिफ्ट दिले आहे.
रजनीकांत यांचा मोस्ट अवेटेड सिनेमा लाल सलामचा टीझर रिलीज झाला आहे. मुलगी ऐश्वर्या रजनीकांत दिग्दर्शित या चित्रपटात विष्णू विशाल आणि विक्रांत मुख्य भूमिकेत आहेत.
सध्या सोशल मिडियावर फक्त लाल सलमचीच चर्चा आहे. हा सिनेमा पोंगल 2024 रोजी मोठ्या पडद्यावर प्रदर्शित होणार आहे.
लाल सलाम या चित्रपटाबद्दल बोलायचं झालं तर हा एक स्पोर्ट्स ड्रामा चित्रपट आहे. विक्रांत या चित्रपटात क्रिकेटरच्या भूमिकेत दिसणार आहे. यात रजनीकांत छोट्या भूमिकेत आहेत. रजनीकांत जरी या चित्रपटात खुप कमी वेळासाठी असले तर त्यांची छोटी भुमिका खूपच स्फोटक आहे. यात रजनीकांत भरपूर अॅक्शन करताना दिसत आहेत.
या चित्रपटात रजनीकांत याचा कॅमिओ जवळापास 30 मिनिटे आहे. महत्वाचं म्हणजे या चित्रपटात दिग्गज क्रिकेटर कपिल देव देखील अभिनय करताना दिसणार आहे. हा चित्रपट बॉक्स ऑफिसवर मोठी ओपनिंग करेल अशी आशा निर्मात्यांना आहे. 2024 च्या पोंगलच्या दिवशी हा सिनेमा प्रदर्शित होत आहे.
हा चित्रपट तेलुगू, हिंदी, कन्नड आणि मल्याळम भाषांमध्ये प्रदर्शित होणार आहे. रजनीकांत यांची मुलगी ऐश्वर्याने या चित्रपटाचे दिग्दर्शन केले आहे. हा तिचा तिसरा चित्रपट आहे. तर दुसरीकडे या चित्रपटाची स्पर्धा धनुषच्या कॅप्टन मिलर या चित्रपटाशी होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
