गानसम्राज्ञी लता मंगेशकर (Lata Mangeshkar) यांच्यावर मुंबईतील ब्रीच कँडी रुग्णालयात उपचार सुरू आहेत. लतादीदींना कोरोनाची लागण झाल्यामुळे त्यांना रुग्णालयात दाखल करण्यात आलं. गेल्या १५-१६ दिवसांपासून त्यांच्यावर अतिदक्षता विभागात उपचार सुरू आहेत. या काळात त्यांच्या प्रकृतीविषयी अफवासुद्धा सोशल मीडियावर पसरत आहेत. मात्र या अफवांवर विश्वास ठेवू नका आणि लतादीदींच्या प्रकृतीसाठी प्रार्थना करा, अशी विनंती त्यांच्या कुटुंबीयांनी केली आहे.
लतादीदींच्या कुटुंबीयांकडून विनंती
'डॉ. प्रतित समदानी यांच्या नेतृत्वाखाली डॉक्टरांच्या टीमकडून लतादीदींवर आयसीयूमध्ये उपचार सुरू आहेत. त्यांच्या प्रकृतीत सुधारणा झाल्यास आम्ही तुम्हाला माहिती देऊ. तुम्ही नकारात्मक अफवांना बळी पडू नका आणि दीदी लवकर बरे व्हाव्यात आणि घरी परत याव्यात यासाठी प्रार्थना करुयात. माध्यमांनीही आम्हाला थोडा वेळ द्यावा. सध्या लतादीदींच्या प्रकृतीपेक्षा काहीही महत्त्वाचं नाही,' असं त्यांनी म्हटलंय.
लता मंगेशकर यांना ९ जानेवारी रोजी रुग्णालयात उपचारासाठी दाखल करण्यात आलं. त्यांच्यावर उपचार सुरू असून कोणतीही अफवा पसरवू नका असं आवाहन त्यांच्या कुटुंबियांसह डॉक्टरांनीही केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
