Gautami Patil : सबसे कातील गौतमी पाटील उदयनराजेंच्या जलमंदिरवर; राजेंना भेट दिली त्यांची आवडती वस्तू

सातारा : गौतमी पाटील (Gautami Patil) हे नाव सध्या सोशल मीडियावर प्रचंड चर्चेत आहे. दरम्यान, सोलापूरमधल्या बार्शी या ठिकाणी गौतमी पाटीलच्या विरोधात तक्रार दाखल झालीये. आयोजक राजेंद्र गायकवाड यांनीच ही तक्रार दाखल केलीये.

या प्रकरणाविषयी संपूर्ण माहिती घेऊनच मी माझी भूमिका मांडेन, असं गौतमी पाटीलनं म्हटलंय. अशातच आता काल गौतमी साताऱ्यात आली असता, तिनं भाजप नेते आणि खासदार उदयनराजे भोसले (Udayanraje Bhosale) यांची भेट घेतली.

यावेळी गौतमीनं उदयनराजे यांना खास भेटवस्तू दिली. प्रसिद्ध नृत्यांगना गौतमी पाटीलनं काल (सोमवार) खासदार उदयनराजे भोसले यांची त्यांच्या साताऱ्यातील जलमंदिर (Jalmandir Palace) या निवासस्थानी सदिच्छा भेट घेतली. यावेळी खासदार उदयनराजे यांच्यासोबत विविध विषयावर चर्चा झाली.

यावेळी गौतमीनं दिलेल्या प्रतिक्रियेत महाराजांना पहिल्यांदाच मी भेटले. त्यांचा आशीर्वाद कायम सोबत राहावा यासाठी मी छत्रपती उदयनराजे भोसले यांची भेट घेण्यासाठी आले असल्याचं सांगितलं. या भेटीत तिनं खासदार उदयनराजे भोसलेंना त्यांचा आवडता परफ्यूम भेट दिला. माझे जरी चाहते असले तरी, छत्रपती उदयनराजे भोसले हे आमचं दैवत आहेत. त्यामुळं मी त्यांच्यापेक्षा मोठी नाही. त्यांची बरोबरी माझ्याबरोबर नको, अशी प्रतिक्रियाही तिनं माध्यमांना दिली.