Leo Trailer Thalapathy Vijay Rocks Fans praised : दाक्षिणात्य चित्रपट विश्वामध्ये आपल्या अभिनयाची वेगळीच छाप उमटविणाऱ्या अभिनेत्यांमध्ये थलापती विजयचे नाव घ्यावे लागेल. गेल्या काही वर्षांपासून त्याच्या चित्रपटांनी प्रेक्षकांना वेडं केलं आहे. आता त्याच्या बहुचर्चित आणि बहुप्रतिक्षित अशा लिओ चित्रपटाचा ट्रेलर प्रदर्शित झाला आहे.
मास्टर, वारिसू, बिस्ट सारख्या चित्रपटांमधून विजयनं त्याची वेगळी ओळख प्रेक्षकांसमोर ठेवली होती. त्यात लिओच्या ट्रेलरनं ती पुन्हा एकदा अनोख्या प्रकारे अधोरेखित झाली आहे. साऊथमध्ये एखाद्या अभिनेत्याचा चित्रपट प्रदर्शित होणे किंवा त्या चित्रपटाचा ट्रेलर प्रदर्शित होणे हे एखाद्या उत्सवाप्रमाणे असते. अशावेळी त्याला मिळणारा प्रतिसादही मोठा असल्याचे दिसून येते.
Also Read - Penny Stocks : जादा नफ्याच्या मृगजळामागं धावणं नकोच!
सोशल मीडियावर विजयच्या चाहत्यांनी लिओविषयी ज्या पोस्ट केल्या आहेत त्याची जोरदार चर्चा सुरु झाली आहे. अनेकांनी त्यावर दिलेल्या प्रतिक्रिया भलत्याच भन्नाट आहे. यापूर्वी विजयच्या लिओचा जेव्हा टीझर समोर आला होता त्यामुळे त्याच्या ट्रेलरची प्रेक्षकांना आणि त्याच्या चाहत्यांना कमालीची उत्सुकता होती.
तमिळ चित्रपट विश्वामध्ये थलापती विजयच्या नावाची मोठी क्रेझ आहे. त्यानं गेल्या काही वर्षांपासून ब्लॉकबस्टर चित्रपट दिले आहेत. त्या चित्रपटांनी बॉक्स ऑफिसवर विक्रमी कमाई केल्याचेही दिसून आले आहे. लोकेश कनगराजनं दिग्दर्शित केलेला लिओ हा चित्रपट यावर्षीचा विजयचा सर्वाधिक उत्सुकता असलेला प्रोजेक्ट आहे. १९ ऑक्टोबर रोजी तो प्रदर्शित होणार आहे. त्यामध्ये संजय दत्त, त्रिशा, अर्जून सर्जा यांच्या महत्वाच्या भूमिका आहेत.
विजयचा लिओ हा पॅन इंडिया प्रोजेक्ट असल्याचे सांगण्यात आले आहे. आज त्याचा तमिळ, हिंदी, कन्नड भाषांमधील चित्रपट प्रदर्शित झाला आहे. त्याला मिळालेला प्रतिसादही जोरदार असल्याचे दिसून आले आहे. यापूर्वी या चित्रपटाचे स्टंट अॅक्शन डिरेक्टर थावशी राज यांनी म्हटले होते की, विजयचा हा आतापर्यतचा सर्वाधिक चर्चेतील चित्रपट आहे. त्यात त्यानं केलेली मेहनत निश्चितच कौतुकास्पद आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
