बॉलिवूडची सुप्रसिद्ध अभिनेत्री माधुरी दीक्षित सोशल मीडियावर चांगलीच सक्रीय असते. ती तिच्या कुटुंबीयांसोबतचे फोटो आणि व्हिडीओ नेहमी पोस्ट करत असते. नुकतंच तिने तिच्या मुलाचा म्हणजे रायनचा एक व्हिडीओ सोशल मीडियावर पोस्ट केला आहे. ज्यात तो त्याचे केशदान करताना दिसत आहे. कर्करोग दिनाचं औचित्य साधून रायनने कॅन्सर पीडितांसाठी केशदान करण्याचा निर्णय घेतला. त्याच्या या निर्णयाचं नेटकऱ्यांकडून खूप कौतुक होत आहे.
माधुरीने इंस्टाग्रामवर व्हिडीओ पोस्ट करत लिहिलं, 'राष्ट्रीय कर्करोग दिनानिमित्त मी एक खास गोष्ट शेअर करत आहे. रायनने काही कॅन्सर पीडित लोकांना पाहिलं आणि त्यांना पाहून त्याला खूप वाईट वाटलं. कॅन्सर पीडित अत्यंत कठीण काळाचा सामना करतात, उपचारादरम्यान त्यांचे केस गळू लागतात आणि ते पाहूनच माझ्या मुलाने कॅन्सर सोसायटीला केशदान करण्याचं ठरवलं आहे.' तिने पुढे लिहिलं, 'रायनला आवश्यक तेवढे केस वाढण्यासाठी जवळपास २ वर्षे लागली. आज आम्हा दोघांनाही त्याचा अभिमान आहे.' या पोस्टमध्ये तिने पती डॉ. नेने यांनाही टॅग केलं आहे.
माधुरीने व्हिडीओ पोस्ट करताच त्यावर चाहत्यांनी प्रतिक्रिया दिल्या आहे. एकाने लिहिलं, 'तुम्ही तुमच्या मुलाला खूप चांगले संस्कार दिले आहेत आणि आम्हालाही त्याचा अभिमान वाटतोय.' जिनिलिया डिसूझा देशमुख, दिया मिर्झा, प्रार्थना बेहरे, फराह खान यांसारख्या सेलिब्रिटींनीही रायनचं कौतुक केलं.
माधुरी करण जोहरच्या 'कलंक' या चित्रपटात दिसली होती. ती लवकरच संजय कपूर आणि मानव कौल यांच्यासोबत ओटीटीवर पदार्पण करणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
