Mahadev Betting App : 'महादेव बेटींग अ‍ॅप' प्रकरणातील मुख्य सुत्रधार पोलिसांच्या जाळ्यात

Mahadev Book App Main Accused Mumbai : बॉलीवूड विश्वाला मोठा धक्का त्या महादेव बूक अॅप प्रकरणानं बसला होता. त्यातून अनेक सेलिब्रेटींची नावं समोर आली होती. त्यात रणबीर कपूर पासून नेहा कक्कर या सेलिब्रेटींचा समावेश होता. दुसरीकडे काही दिवसांपूर्वी संजय दत्त आणि सुनील शेट्टी यांचे नाव देखील एका अॅपमुळे चर्चेत आले होते.

आता महादेव अॅप प्रकरणाबाबत एक मोठी बातमी समोर आली आहे. ती म्हणजे या अॅप प्रकरणातील मुख्य सूत्रधार मृगांक मिश्रा याला मुंबई विमानतळावरून अटक करण्यात आल्याचे बोलले जात आहे. मिश्रावर 1630 बनावट खात्यांद्वारे कोट्यवधी रुपयांची फसवणूक केल्याचा आरोप आहे. मिश्रा रतलामचा रहिवासी असून दुबईत बसला लपून बसल्याची बातमी समोर आली होती.

Also Read - Navratri 2023 : तलवारीचं 'स्त्री'त्त्व आणि आदिमायेच्या गुणतत्त्वांचा सहसंबंध काय आहे?

इमिग्रेशन विभागाने त्याला पकडून राजस्थान पोलिसांच्या ताब्यात दिले. यापूर्वी महादेव बुक अ‍ॅप प्रकरणी अनेक बॉलिवूड अभिनेत्यांना ईडीने समन्स दिलं होतं. त्यातच आता विनोदी कलाकार कपिल शर्मा, अभिनेत्री हुमा कुरेशी आणि हिना खान यांनी ईडीने समन्स बजावलं.

महादेव बुक या अ‍ॅपची जाहिरात करणारे कलाकार यांच्या अडचणी वाढल्या आहेत. तसेच महादेव अ‍ॅपचा प्रवर्तक सौरभ चंद्राकर याच्या दुबईमध्ये पार पडलेल्या अलिशान लग्न सोहळ्यात सादरीकरण करणाऱ्या सेलिब्रेटिंना आर्थिक मोबदला मिळाल्याचा ईडीला संशय आहे.